Гулистон давлат университети

ЛОЙИҲА АСОСИДА ЎҚИТИШ ТЕХНОЛОГИЯСИ


Ўқув лойиҳаси:
“Ўзбекистон Республикасини бозор иқтисодиётига ўтиш йўлида институционал ислохатлар”


ПЕДАГОГИК АННОТАЦИЯ
Фаннинг номи: “Бизнес режалаштириш”.
Мавзунинг номи: “Бозор иқтисодиётига ўтишда институционал ислохотлар натижалари”.
Иштирокчилар: бакалавриат босқичи “Иқтисодиёт” йўналиши, 3-курс талабалари.
Ўқитишнинг мақсади: ўқув курси бўйича эгалланган билимларни чуқурлаштириш мақсадида мамлакатимизни бозор иқтисодиётига ўтиш йўллари бўйича малака кўникмаларни шакллантириш.
Режалаштирилаётган ўқув натижалари: бозор иқтисодиётининг мақсади ва вазифаларини англаб етади; мамлакатимизни ижтимоий-иқтисодий тузилмаси ва ўзига хос жиҳатларни ажрата олади; мулкчилик муносабатлари таркибини ўзлаштиради; бозор иқтисодиётига ўтиш йўлларини билиб олади; аниқ йўналишлар ва тамойиллар асосида бозор иқтисодиётига ўтиш кўникмаларига эга бўлади.
Лойиҳалаштириш фаолияти бўйича қуйидаги амалий кўникмаларга эга бўлади: муаммони шакллантириш ва вазифаларни аниқлаш; вазифаларни амалга оширишдаги усулларни танлаш ва улардан фойдаланиш; ўз фаолиятини режалаштириш; маълумот манбаларини аниқлаш, тизимга келтириш ва таҳлил этиш; натижаларни талаб даражасида расмийлаштириш ва керакли кўринишда тақдим этиш.
Талабалар лойиҳани муваффақиятли бажаришлари учун билишлари лозим бўлган таянч билим ва кўникмалар қуйидагилардан иборат:
Қуйидаги таянч билимларни билиши керак: бозор муносабатлари борасидаги меъёрий ҳужжатлар; миллий иқтисодиётни таркибини ташкил этувчи ижтимоий-иқтисодий асосларни; мулкчилик фаолиятига доир ўзига хос жиҳатларни таҳлил этиш ва баҳолаш.
Қуйидаги кўникмаларга эга бўлишлари керак: бозор иқтисодиётига ўтиш маълумотларини йиғиш, қайта ишлаш ва тақдим этиш; жаҳон тажрибасида акс этувчи маълумотларни таҳлил этиш; алоҳида фаолият юритиш ва якка ўқиш, изланиш тартиб ва қоидалари.