Glossariy 1-mavzu. Marketing va uni rivojlanishining asosiy bosqichlari

Қимматли қоғозларнинг бирламчи бозори – бу қимматли қоғозлар эмиссиясини ва бирламчи жойлаштирилишини амалга ошириш, яъни қимматли қоғозларни эмитент ёки унинг вакили томонидан дастлабки сармояга сотиш бозоридир.
Қимматли қоғозларнинг иккиламчи бозори – бу илгари чиқарилган ва ҳеч бўлмаганда бир марта харид қилинган қимматли қоғозлар олди-сотдиси (муомаласи) амалга ошириладиган бозордир.
Қимматли қоғозларнинг миллий бозори – бунда фонд бойликлари билан давлат доирасида олди-сотди қилиш соҳаси тушунилади. Мазкур бозорда Резидентларнинг қимматли қоғозлар билан (Резидентлар ҳамда норезидентлар томонидан чиқарилган қимматли қоғозлар билан) ўзаро савдосини қамраб олади.
Қимматли қоғозларнинг халқаро бозори - бу жаҳон миқёсида қимматли қоғозлар билан савдо қилиш (норезидентлар ўртасида қимматли қоғозлар олди-сотдиси бўйича операциялар бажариш) соҳасидир.
Қимматли қоғозлар портфели - инвестор тасарруфидаги барча қимматли қоғозлар.
Қиймат - бу товарда мужассамлашган ижтимоий меҳнат сарфидир. Фақатгина ижтимоий зарурий иш вақти жамият эҳтиёжини қондириш учун керак бўлган вақтдир. Шу сабабли, бу вақтни англатувчи қийматни бозор тан олади.
Қимматли қоғозларнинг номинал эгаси – бу қимматли қоғозларни ушбу қимматли қоғозларнинг мулкдори бўлмаган ҳолда бошқа шахснинг топшириғига кўра ўз номидан ушлаб турувчи шахсдир.
Қисқа муддатли кредитлар - амал қилиш муддати 12 ойдан ошмайдиган ссуда бўлиб, унинг узайтирилиши кредитланаётган тадбирларни ўтказиш муддати, уларнинг қопланиши ва бошқа шартлардан келиб чиққан ҳолда белгиланади. Қисқа муддатли ссудалар кредитларнинг бошқа турларига нисбатан ликвидлироқ ҳисобланади.
Қониқарли кредитлар - мижознинг молиявий ёки кредитга лаёқатлилиги заифлигининг аниқлиги.
Қоғоз-пул стандарти - олтин билан таъминланмаган қоғоз пул муомаласига асосланган пул муносабатлари шакли.
Қолдиқ қиймат – бу активнинг бошланғич қийматидан йиғилган эскириш суммасини айириш орқали аниқланадиган қийматдир.