Geo iqtisod 9-uzb-5-2013. indd

Qishloq xo‘jaligida
bug‘doy, arpa, suli, 
makkajo‘xori, javdar, sholi, sabzavot ekinlari yetishtiriladi. 
Tamaki yetishtirishda
dunyoda oldingi o‘rinlardan birida turadi. 
Bog‘dorchilik
va 
uzumchilik
keng 
rivojlangan. Bundan tashqari, choy, yong‘oq ham yetishtiriladi. 
Chorvachilikda
qo‘ychilik, echkichilik, qoramolchilik, yilqichilik rivojlangan. Turkiya angor 
echkisi junini eksport qilish jihatidan dunyoda oldingi o‘rinlardan birida turadi. 
Ipakchilik va baliqchilik rivojlangan. Turizm juda yaxshi rivojlangan. Shaharlari: 
Istanbul, Anqara, Izmir, Adana, Bursa, Konya, Antaliya. Istanbul – turizmning 
yirik markazlaridan biri. Unga miloddan avvalgi VII asrda asos solingan. Dastlab 
Rim imperiyasi poytaxti bo‘lgan. U paytda Konstantinopol deb ham yuritilgan. 
Hozirgi nomini 1930-yilda olgan. Shaharda muqaddas Sofiya muzeyi, ajoyib 
masjidlar bor. Vizantiya va musulmon arxitekturasi yodgorliklari ko‘p.
Turkiyaning transport tizimi taraqqiy etgan. Unda avtomobil transportining 
roli katta. Dengiz transporti rivojlangan.
Eksportida
mashina va avtobuslar, oziq-ovqat, yengil sanoat, elektrotexnika 
mahsulotlari, tamaki, quruq mevalar, qishloq xo‘jalik mahsulotlari yetakchilik 
qiladi.
importida
mashina uskunalari, xomashyo, transport vositalari va boshqalar 
ustun turadi. 
Pul birligi
– turkiya lirasi.

---

138
Amaliy ish
Yozuvsiz xaritada Turkiyaning ma’muriy-hududiy bo‘laklarini aks ettiring. Davlatning 
iqtisodiy xaritasini tushiring va uni tavsiflab bering.
Savol va topshiriqlar
1. Jahon siyosiy xaritasi va «Atlas» materiallaridan foydalanib, Turkiyaning joylashgan 
geografik o‘rnini tahlil qiling va baholang. Hududining qancha qismi Yevropa va 
qancha qismi Osiyoga qarashli ekanligini aniqlang.
2. Tabiiy sharoitining muhim xususiyatlarini tahlil qiling, qanday asosiy tabiiy resurslarga 
boy va kambag‘al ekanligini belgilang hamda bu holatning mamlakat iqtisodiyotiga 
ta’sirini baholang.
3. Eng yirik shaharlarini aniqlang. Ularning rivojlanishida joylashgan geografik o‘rni 
(dengiz bo‘yidaligi yoki quruqlikdaligi)ning ahamiyatiga e’tibor bering.