Genetikadan masala ishlash

56-masala. Qizil, tuksiz mevali pomidor o‘simliklari sariq, tukli mevaga ega o‘simliklar bilan chatishtirilganda, keyingi avlodda olingan o‘simliklarning 98 tasi qizil, tuksiz mevaga; 104 tasi qizil, tukli mevaga; 97 tasi sariq, tuksiz mevaga va 101 tasi sariq, tukli mevaga ega bo‘lgan. O‘rganilayotgan belgilar bo‘yicha chatishtirish uchun olingan o‘simliklarning genotipini aniq aniqlash mumkinmi? Ularning irsiylanishi haqida nima deyish mumkin?

57-masala. Bangidevonaning qizil gulli, tikansiz ko‘sakli o‘simliklari oq gulli, tikanli ko‘sakka ega o‘simliklar bilan chatishtirilganda, keyingi avlodda olingan o‘simliklarning 320 tasi qizil gulli, tikanli ko‘sakka va 312 tasi qizil gulli va tikansiz ko‘sakli bo‘lgan. CHatishtirish uchun olingan o‘simliklarning genotipini aniqlang.