Filologiya fakulteti

Bitiruv - malakaviy ishining maqsad va vazifalari. BMIning asosiy maqsadi O`zbek va jahon adabiyotida yaratilgan asarlarda Ona obrazining o’ziga xosliklarini o’rganish, o`zbek hamda jahon adabiyotidagi ona obrazi ifodalangan asarlarni qiyoslab tahlil qilish, ularning o`ziga xos xususiyatlari shu jumladan bir – biriga o`xshash va farqli tomonlarini yoritib berish. XX asr hamda mustaqillik yillarida yaratilgan asarlarda ona qiyofasining o`zgacha bir qirralarini ko`rsatib berish. Ona obrazining badiiy – estetik funkiyasini yoritish maqsadini amalga oshirishda quyidagi vazifalarni joriy etish mo`ljallanadi:

- mavzu yuzasidan ilmiy adabiyot va manbalarni o`rganish;

- obraz, xarakter, timsol tushunchalarining ilmiy izohlanishini ko`rsatib berish;

- jahon adabiyotida ona obrazi va o`ziga xos xususiyatlarini tadqiq etish;

- she`riyatdagi onalar timsoli ularning jonkuyarligi va mehrini Mirtemir va Saida Zunnunova ijodi bo`yicha hamohanglikda o`rganish;

- Nasrda esa, Abdulla Qodiriy, O`tkir Hoshimov asarlarida ona ruhiyatining yoritilishi, onaning ichki olami va ong oqimini ochib berish masalasini o`rganish;

-jahon adabiyotida ona obrazlarini qiyosiy tahliliy o`rganib, mushtarakligini aniqlash;

- mavzu yuzasidan umumiy xulosalar berish.