Ҳәзирги күнде энергетика ресурсларынан өнимли пайдаланыўға дүняның барлық мәмлекетлеринде үлкен әҳмиет берилмекте

Бирлемши энергоресурс – қайта исленбеген ямаса өзгертирилмеген энергоресурс (нефт, тәбиий газ, көмир, ядро энергиясы, гидроэнергия, қуяш ҳәм шамал энергиясы ҳ. т.б.).
Бирлемши энергия ресурсларынан пайдаланыў коэффициенти – қурылмаға берилип атырған энергияның усы энергияны ислеп шығарыўға жумсалған барлық бирлемши энергоресурсларға қатнасы.
Жыллылық ҳәм электр энергияларды ислеп шығарыўшы кәрханалардың ишки талаплары ушын жумсалатуғын энергоресурслар – жыллылық ҳәм электр энергиялар ислеп шығарыўшы кәрханалар ушын технологиялық процесс ушын жумсалыўы керекли болған, қайта исленген ҳәм өзгертирилген энергоресурслар.
Пайдаланып атырған энергия – энергетикалық мақсетлерде пайдаланыўшы пайдаланып атырған энергия ресурслар (барлық энергетикалық секторларда жумсалып атырған энергоресурслар мәниси).
Пайдаланыўшының энергия ысырабы – пайдаланыўшыға жеткерилип атырған энергия менен пайдалы энергияның айырмасы.
Пайдаланыўшыларда бар болған энергоресурслар – пайдаланыўшы ықтыярындағы жеткерилген энергоресурлар.
Жетерилген ақырғы энергия – пайдалы жумыс ушын соңғы өзгертириў алдынан пайдаланыўшыға жеткерилген энергия ямаса энергетикалық ресурс ямаса энергия узатқыштағы энергия муғдары.
Жеткерилген энергетикалық ресурс – энергетикалық қурылмаға қайта ислеў, өзгертиў, узатыў ямаса пайдаланыўға арналған энергетикалық ресурс.
Салыстырма энергия жумсалыўы – биринши мәниси – бир абонетке, бир адамға, бир үскенеге ямаса әсбапқа туўры келетуғын энергия муғдары: екинши мәниси – ислеп шығарылған өнимниң ҳәр бир данасына туўры келетуғын энергия салыстырма жумсалыўының мәниси.
Пайдаланылған энергия – ҳәр бир процессти өткериўде тиккелей қатнасқан энергия муғдары.
Пайдалы энергия – пайдаланыўшыға жеткерилген энергияның пайдалы жумысты орынлаўда жумсалған ақырғы өзгертирилген бир бөлеги.
Энергетикалық баланс – жеткерилип атырған энергия менен пайдалы энергия ысырабы қосындысының теңлиги.