Ermetova jamila ismailovna ermetov amirbek ismailovich karimova munisa maxsud qizi

Irisqulov Muxammadavaz Tursunovich, professor – RAIIM Та’lim standartlari va me’yoriy hujjatlarni ishlab chiqarish, tadbiq qilish va takomillashtirish bo‘limi boshlig’i

SO‘Z BOSHI

Ma’lumki, O‘zbekistonimizning mustaqil davlatga aylanishi natijasida mamlakatimiz dunyoga yuz tutdi. Хоrijiy mamlakatlar bilan savdo, iqtisodiy, siyosiy va madaniy aloqalar yo‘lga qo‘yildi, diplomatik aloqalar o‘rnatildi. O‘zbekiston BMT a’zoligiga qabul qilindi, mamlakatimiz jahon integratsiyasi jarayonlarida faol qatnashmoqda. Bularning natijasida yurtimizda xorijiy tillarga bo‘lgan qiziqish va e’tibor mislsiz darajada oshdi.

O‘zbekiston Respublikasi Prezidenti Shavkat Miromonovich Mirziyoyevning 2017-yil 20-аpreldagi “Оliy ta’lim tizimini yanada rivojlantirish chora-tadbirlari to‘g‘risida”gi PQ-2909 sonli qarori, O‘zbekiston Respublikasi Vazirlar mahkamasining 2017-yil 11-noyabrdagi “Та’lim muassasalarida chet tillarni o‘qitishning sifatini yanada takomillashtirish chora-tadbirlarito‘g‘risida”gi 610-sonli qarori, 2012-yil 10-dekabrdagi “Chet tillarni o‘rganish tizimini yanada takomillashtirish chora-tadbirlari to‘g‘risida”gi PQ-1875 sonli qarorlari yosh avlodni chet tillariga o‘qitish, ishlab chiqarish sohalarida chet tillarda erkin so‘zlasha oladigan mutaxassislar tayyorlash, ularning jahon sivilizatsiyasi yutuqlari hamda dunyo axborot resurslaridan keng ko‘lamda foydalanishlari, хаlqaro hamkorlik va muloqotni rivojlantirishlari uchun shart-sharoit va imkoniyatlar yaratishdan iborat.

Mustaqillik yillarining boshidanoq O‘zbekistonda barcha sohalar qatorida ishlab chiqarish, kimyoviy texnologiyalar sohasi ham jadal rivojlanmoqda va qator xorijiy mamlakatlar bilan hamkorlikda ishlab chiqarish korxonalari o‘z faoliyatini olib bormoqdalar. Bu borada soha vakillari chet ellik hamkorlar, jumladan, Ispaniya bilan hamkorlikda MAXAM ishlab chiqarish qo‘shma korxonasi, Farg‘ona viloyatidagi AO Kvarts, Navoiy viloyatidagi Qizilqum sement zavodi, Samarqand viloyatidagi Farfor zavodi, Shovot tumanidagi “Dilshod qurilish” g‘isht zavodlari ishlab chiqarishning yangi usullarini izlanib uni amalga joriy etmoqdalar va bu jarayonlarda ingliz tilining xalqaro muloqot tili sifatidagi o‘rni kattadir.

Mazkur “Kimyoviy texnologiyalarga oid atamalarning o‘zbekcha-inglizcha, inglizcha-o’zbekcha izohli lug‘ati”da kimyo va kimyoviy texnologiyalar sohasiga oid terminlar, ya’ni so‘zlar faqat tarjimasi bilangina emas, balki o‘rganuvchiga tushunarli bo‘lishi uchun uning izohi ham berilgan. Undan kimyo va kimyoviy texnologiyalar sohasini ingliz tilida o‘rganishni hamda shu sohaga oid ingliz tilidagi xorijiy adabiyotlarni tushunishda foydalanish mumkin. Shu bilan birga, bu izohli lug‘atda keltirilgan o‘zbek va ingliz tillardagi atamalarning ta’rifi kimyoviy texnologiyalar (ishlab chiqarish turlari bo‘yicha), oziq-ovqat mahsulotlari texnologiyasi, biotexnologiya yo‘nalishidagi oliy ta’lim muassasalari va o‘rta maxsus ta’lim kasb-hunar kollejlari talabalari terminlarning o‘zbekcha-inglizcha va inglizcha-o‘zbekcha tarjimalarini va ushbu tillardagi nomlanishlarini bilib olishlarida asosiy manbaa bo‘lib xizmat qiladi va talabalarning ingliz tilidan ko‘nikmalarni hosil qilishga yordam beradi.

Shuningdek, lug‘atdan sohada faoliyat olib boruvchi muhandis-texnologlar, muhandis-texniklar va boshqa ingliz tilini mustaqil o‘rganuvchilar foydalanishlari mumkin.

“Kimyoviy texnologiyalarga oid atamalarning o‘zbekcha-inglizcha, inglizcha-o’zbekcha izohli lug‘ati”dan foydalanishning yana bir qulay tomoni shundaki, hech qanday vositachi tillarsiz to‘g‘ridan-to‘g‘ri ona tilidan ingliz tiliga tarjima qilish yoki ingliz tilidagi so’zni o’zbek tilidan, zarur so‘zni tezda topish va tarjima qilishga imkon yaratadi.

Mualliflar ushbu izohli lug‘at haqidagi har bir fikr – mulohazaga mushtoq va hamkasblardan bu borada hamkorlik kutib qolishadi.