Электр таъминоти тизими ҳақида янги маълумотлар ва мавзуга оид янгиликлар киритилади

5-жадвал
6-36 кВ кучланишли линияларда қўлланиладиган ОПН-Л ҳимоя аппаратлари

Талаб	ОПН-ЛИ	ОПН-Л
Қўлланилиш жойи	яшин ўта кучланишида	яшин ва коммутация ўта кучланишида
Ўта кучланишдан чеклаш	кам даражада қолдиқ кучланиш борлиги	сезгирлигининг кенглиги
Оралиқда яшин урганда	2 та ОПН ишга тушади	бир қанча ОПН ишга тушади
Аппаратнинг камчилигини аниқлаш	қобиқдаги бузилишдан	алоҳида назорат талаб қилинади
Аппаратнинг шикастланганлигини аниқлаш	шикастланиш чизиқларидан	бўлгичнинг ишга тушганидан
Атмосфера шароитидаги таъсир	искрали оралиқ атмосфера таъсирига боғлиқ	йўқ
Учқунли оралиқнинг таъсири	бор	йўқ

Эслатма: ОПН-ЛИ – бир фазали ўта кучланишдан (учқунли оралиқ орқали чизиқли изолятордан ясалган) ҳимоялаш апарати; ОПН-Л- бир фазали ўта кучланишдан (чизиқли изолятордан ясалган) ҳимоялаш апарати.

Умуман олганда ОПН-Л ни хар бир таянчга ўрнатилиши мақсадга мувофиқ. Лекин ҳимоя қай даражада ишончлилик талабига қараб 4 тадан 2 тасига ҳам ўрнатса бўлади. Агар хар бир таянчга ўрнатилса электр энергия узатиш линиясининг ишончлилик эҳтимоли жуда юқори бўлади. АҚШ да 115 кВ кучланишли электр энергия узатиш линияси 5 йил ўчиришсиз ишлатилди. Сабаби хар бир таянч ва хар бир фаза юқори даражада ҳимояланган. Яна шуни таъкидлаш лозимки, хеч бўлмаганда 5 та таянчдан бирига ОПН-Л ўрнатилса фақатгина йилига 4 марта ўчишни кузатиш мумкин.

Қуйида келтиралган жадвалдан кўриш мумкинки ОПН-Л хар бир мамлакатда ва хар қандай кучланишда (800 кВ гача) қўлланилиши мумкин. Россияда 2003-йилгача чақмоқ уришидан 220-500-750 кВ кучланишли линияларда ўчишлар умумий ўчишлар сонининг 11% ни ташкил қилган, ваҳолангки у ерда ўчишлар сони жуда кўп юз берган. Ҳозирга келиб хам хар бир кучланишли линияларга ОПН-Л ҳимоя аппаратлари ўрнатилмаганлигини кузатиш мумкин (400 кВ кучланишли линияларни ҳисобга олмаганда халигача химоя сифатида чақмоқдан ҳимоя троси ишлатилади). 220 кВ кучланишли темир йўл электр таъминоти тизимида ОПН-ЛИ ни қўллаш мумкин. Электр энергия узатиш линиясида ОПН-ЛИ ни қўлланилиши линияни йилига 1-2 марта ўчишига сабаб бўлади холос. Бунда хар бир фазага ва хар бир таянчга ОПН-ЛИ ўрнатилса 5 йилдан 10-йилгача ҳам линиянинг ўчмаслигини кузатиш мумкин.