Электр энергетикада назорат қилиш бўйича давлат инспекцияси ва Ўзбекистон

Электр энергетикада назорат қилиш бўйича давлат инспекцияси ва Ўзбекистон Республикаси Меҳнат ва аҳолини ижтимоий муҳофаза қилиш вазирлигининг қарори билан тасдиқланган 2006 йил 19 июл 113/116-сонли

Электр қурилмаларини эксплуататция қилишда
хавфсизлик техникаси қоидалари

Мазкур қоидалар электр қурилмаларни ишончли, хавфсиз ва самарали эксплуатация қилинишини таъминлаш, шунингдек хавфли ишлаб чиқариш ҳолатларининг олидини олиш мақсадида Ўзбекистон Республикасининг «Меҳнатни муҳофаза қилиш тўғрисида»ги қонуни асосида ва Ўзбекистон Республикаси Вазирлар Маҳкамасининг 1992 йил 29 апрелдаги 210 сонли «Собиқ СССР қонун ости ҳужжатларини қайта кўриб чиқиш бўйича ишларни ташкил қилиш тўғрисида»ги қарорига мувофиқ ишлаб чиқилди.

Мазкур қоидаларда ишлаб турган электр қурилмаларда ходимларга хавфли ишлаб чиқариш омилларининг таъсирини бартараф қилувчи асосий ташкилий ва техникавий тадбирлар келтирилган, шунингдек генераторларда, трансформаторларда, электр моторларда, тақсимловчи қурилмаларда, электр узатиш линияларида ва бошқаларда (эксплуатация қилиш, таъмирлаш, созлаш ва бошқа) турли ишларни бажаришда хавфли ишлаб чиқариш ҳолатларнинг ва бахтсиз ҳодисаларнинг олдини олиш имконини берувчи хавфсизлик чоралари белгиланган.
Мазкур қоидаларнинг талаблари, мулкчилик шаклларидан қатъий назар, барча электр станциялар, барча идораларнинг электр тармоқлари корхоналари, электр энергияни ишлаб чиқарувчи, узатувчи ва тақсимловчи объектларнинг ускуналарида ишларни бажарувчи, ҳамда бу объектларга тааллуқли ишларни бажарувчи илмий тадқиқот институтлари, лойиҳа, қурилиш монтаж ва созлаш ташкилотлари учун мажбурийдир.


1 боб. Асосий тушунчалар ва атамалар
1. Мазкур қоидаларда қуйидаги тушунчалар ва атамалар ишлатилган: