Dunyo tillari tizimida o‘zbek tilining tutgan o‘rni hozirgi kunda yer yuzida o‘n milliarddan ko‘proq

Sifatning otlashishi –otlashish morfologiyaga doir atamadir. O’zbek tilida mustaqil so’z turkumlaridan sifat, son va son xarakteridagi olmoshlar, fe’lning sifatdosh shakli, ba’zan ravish, shuningdek, alohida so’z turkumlari, ya’ni undov, taqlid va modallar otlashish xususiyatiga ega.

Otlashish hodisasi asosan quyidagi ikki yo’l bilan sodir bo’ladi:

1.Sifat bog’lanib kelgan ot tushiriladi va tushib qolgan otning so’rog’i, sintaktik vazifasi, uning grammatik kategoriyalari sifatga o’tadi. M: Yaxshi odamlar ko’paysin –Yaxshilar ko’paysin.

2. Ba’zan sifat+ot shaklidagi bog’lanish o’rin almashtirishi natijasida sifat otlashadi. M: Yaxshi ot uloqda bilinadi –Otning yaxshisi uloqda bilinadi

Sifat otlashganda otning quyidagi xususiyatlarini qabul qiladi:

1. 
   otga xos egalik, kelishik, son kategoriyalarini qabul qiladi: bolalarning bilimdoni, yomonning qilig’i
   
2. 
   otga xos lug’aviy shakl qo’shimchalarining ayrimlarini qabul qiladi: marra mehnatsevarlarniki
   

Otning har qanday grammatik shaklini olgan so`z otlashgan bo`lavermaydi. Otlashish uchun so`z bog`langan ot tushirilishi ham lozim. Buni aniqlash uchun tushirilgan otni tiklab ko`rish kerak: Bilimli o`zadi – bilimli kishi o`zadi. Lekin Olmaning qizilini yeyman gapida ot tushirilmaganligi tufayli uni tiklab bo`lmaydi: Olmaning qizil olmasini yeyman kabi. Bunda siafat otlashmagan.