Desmurgiya

Oyoq panjasi bosh barmog‘ini bog‘lash.
Bog‘lash usuli qo‘lning bosh 
barmog‘ini bog‘lash kabi. Bog‘lam to‘piqlar sohasida mahkamlanadi.
Suspenzoriy
moyaklar, ularning ortiqlari kasalligida yoki yorg‘oqda qilingan 
operatsiyalardan so‘ng yorg‘oqni ko‘tarib turishga mo‘ljallangan maxsus 
moslamadir. Suspenzoriylar fabrikada maxsus tayyorlanadi. Suspenzoriyni uy 
sharoitida tayyorlash ham mumkin. Buning uchun oddiy bintdan belbog‘ 
qilinadi. 1 m uzunlikdagi serbar bint bo‘lagi qirqib olinadi. Bintning ikki 
chekkasidan qirqib olinadi, o‘rtasidan l0 sm uzunlikdagi qismi qirqmasdan 
qoldiriladi. Bu qismning bir chekkasi yorg‘oq ildizi ostiga yaqinlashtiriladi, 
uning uchlari belboqqa bog‘lanadi. Ikkinchi chekkasi yorg‘oqning oldingi 
qismiga tashlanadi va uning uchlari ham belboqqa biroz tortib bog‘lanadi.
Bandaj
material va charmdan tikilgan hamda qorin bo‘shlig‘ining bo‘shashib 
qolgan qismlarini mustahkamlash uchun mo‘ljallangan maxsus moslama. 
Bandajlar, odatda, qorin churralarini bemorni qandaydir sabablarga ko‘ra 
operatsiya qilish imkoniyati bo‘lmagan hollarda qo‘llaniladi. 
Individual bog‘lov paketi
bintga biriktirilgan ikkita paxta-doka yostiqchasidan 
iborat. Ularning bittasini bint ustidan yurgizish mumkin. Yara bog‘lash materiali 
uchta paketda: ichki—to‘g‘na—g‘ichli qog‘oz paketda va tashqi — rezina 
aralashgan paketda bo‘ladi. Bint va yostiqchalar steril bo‘ladi.