Delikvent xulq-atvorga EGA bolalar bilan ishlashning ijtimoiy-pedagogik texnologiyalari

Мавзу: Деликвент хулқ-атворга эга болалар билан ишлашнинг ижтимоий-педагогик технологиялари

	Кириш
1- боб	Ўсмирларда деликвент хулққа мойилликни ўрганишнинг назарий асослари ва қонуниятлари
1.1.	Ўсмирлардаги деликвент хулқ-атворга мойилликнинг назарий асослари ва келиб чиқиш сабаблари
1.2.	Ўсмирларда деликвент хулқ-атвор сабаблари ва омиллари, профилактикаси
2- боб	Деликвент хулққа мойил бўлган ўсмирлар билан ишлаш технологиялари ва педагогик-психологик ишлар таҳлили
2.1.	Деликвент хулққа мойил бўлган ўсмирлар билан ижтимоий-педагогик-психологик фаолиятни ташкил этиш
2.2.	Деликвент хулққа мойил бўлган ўсмирлар, ўқитувчилар ва ота-оналар билан ташкил этиладиган амалий ишлар таҳлили
	Хулоса ва тавсиялар
	Фойдаланилган адабиётлар рўйхати

КИРИШ
Курс иши мавзусининг долзарблиги. Мустақиллик туфайли ўз тараққиёт йўлидан бораётган Ўзбекистонда янгича фикрлайдиган, бўлаётган воқеа ҳодисаларга эркин муносабат билдирадиган, ижодий ва танқидий мушоҳада юритадиган, мулоқотнинг сир асрорларини ўрганган инсонларни тарбиялаш учун кенг имкониятлар яратиб берилмокда. “Кадрлар тайёрлаш миллий дастури” ҳамда “Таълим тўғрисидаги Қонун”дан кўзланган мақсад жамиятда мустақил фикрлайдиган шахсни шакллантиришдан иборат. Ушбу муаммони ҳал этиш таълимнинг асосий мақсадларидан бири бўлиб, мустақил фикрловчи рақобатбардош юқори малакали мутахассисларга бугунги кунда эҳтиёж катта.
Ўзбекистон Республикаси Президенти Ш.М.Мирзиёевнинг 2017 йил 7 февралдаги ПФ-4947- сонли фармони билан тасдиқланган 2017-2021 йилларда Ўзбекистон Республикасини ривожлантиришнинг бешта устивор йўналиши бўйича Ҳаракатлар стратегиясининг 4.4-банди Таълим ва фан соҳасини ривожлантиришга қаратилган бўлиб, унда “таълим ва ўқитиш сифатини баҳолашнинг халқаро стандартларини жорий этиш асосида олий таълим муассасалари фаолиятининг сифати ҳамда самарадорлигини ошириш” қатъий вазифа сифатида белгиланадики, унинг асосида замон билан бирга фаолият юритиш муҳим ҳисобланади.
Республикамизда амалга оширилаётган ижтимоий-иқтисодий ислоҳотларда келажак авлодни мустақиллик мафкураси руҳида тарбиялашга алоҳида эътибор берилмоқда. Ҳозирги кунда таълим олаётган ёшлар Республикамизнинг келажаги учун уларни ҳар томонлама етук инсонлар қилиб тарбиялаш таълим-тарбия муассасаларининг асосий вазифасидир.
Ўсмирлик даври ўзининг бетакрорлиги, мустақиллиги, ижодийлиги, танқидийлиги ва бошқа хусусиятлари билан бошқа даврлардан ажралиб туради. Шунингдек, бу давр ўзининг мураккаблиги - ўсмир шахсида ўзига, ўзгаларга нисбатан танқидийликни шаклланиши билан ҳам боғлиқдир. Айнан ўсмир шахсини шахс сифатида шаклланишида билиш жараёнлари, психологик хусусиятларини ўрганиш ҳозирги кун учун долзарб муаммо бўлиб келмоқда.
Ўсмирлик даври ҳам ёш даврлари ўртасидаги энг мураккаб механизмлар юзага келадиган давр ҳисобланади. Ўсмир жисмоний ўсиши билан биргаликда тафаккурнинг ривожланиши онгли равишда кўплаб билим ва ахборотларни қабул қилишида такомиллашади. Ўсмирлик инсон шахсининг камол топишида алоҳида ўрин эгаллайди. У инсон камолотининг муҳим босқичи ҳисобланади. Ўсмирлик даврида аҳамиятга эга бўлган психологик ўзгаришлар рўй беради.
Ўсмирлик даврида муайян ижтимоий турмуш шароитида кейинги камол топиши учун зарур таълим-тарбия таъсирида барқарор мустаҳкам бўлиб қолувчи хислатлар намоён бўлади. Шахс ўсмирлик камолотига эришган сайин унинг психик дунёсида янги фазилатлар ва сифатлар пайдо бўла бошлайди, аслида кескин қайта қуриш содир бўлади. Бу даврда мустақил тафаккур, дунёқараш, эътиқод нуқтаи – назар ўзлигини англаш, баҳолаш шаклланади. Шунингдек, ўсмирлик даврида турли меъёрдан оғишиш ҳолатлари кўзга ташланадики, уларни психологик-педагогик муаммо сифатида ўрганилиши ҳозирги кундаги муҳим ва долзарб масалалардан бири десак, адашмаймиз. Айнан ўсмирлик давридаги девиация ҳолатини назарда тутган ҳолда курс ишимиз мавзуси “Деликвент хулққа мойил бўлган ўсмирлар билан ишлашнинг психологик-педагогик муаммолари” деб танлаб олинди.