Davlat pedagogika instituti «tasdiqlayman»

Mazkur kursning maqsadi: Organik kimyo mutaxassisligi bo’yicha Nazariy – metodologik kurs mazkur sohada ilmiy va ilmiy – pedagogik kadrlar tayyorlash jarayonining ajralmas qismi hisoblanadi. Ushbu kurs bo’lajak fan doktorini o’zi tanlagan mutaxassisligi – Organik kimyo faniga oid fundamental nazariy bilimlar, asosiy tushunchalar, ta’riflar va qoidalar, tadqiqot usullari bilan yanada chuqurroq tanishishlariga hamda ushbu fan sohasini jahon andazalari darajasida o’zlashtirishlariga imkon beradi.
Fanning vazifalari:

• 
  organik kimyo fani rivojlanishida erishilgan natijalar va bugungi kundagi dolzarb muammolarni aniqlash;
  
• 
  tadqiqotchilar uchun organik kimyo fanining metodlari va nazariyasini o’rganishga imkon yaratish;
  
• 
  organik birikmalarni ajratish va tozalash usullari, organik birikmalarning nomlanishi va klassifikatsiyasi, organik birikmalarning sinflari va turlari;
  
• 
  De-Broyl, Shredinger tenglamalari, kimyoviy bog’ning kvant nazariyalari – valent bog’lar, molekulyar orbitallar metodlari, gibridlanish, kompleks birikmalardagi bog’ tabiati;
  
• 
  musbat va manfiy induktiv hamda mezomer effektlar, giperkonyugatsiya, aromatiklik xususiyati, bu xarakteristikalarining modda xossalari va bu xarakteristikalarining modda xossalari va organik reaksiyalarning ketishiga ta’sir qiluvchi omillar;
  
• 
  organik reaksiyalarning energetikasi, kinetikasi, mexanizmini o‘rganishda dinamik, statik va empirik metodlarni tadqiq qilish;
  
• 
  organik birikmalarning kislota va asos xossalari, erituvchilar klassifikatsiyasi, reaksiyalarda hosil bo‘ladigan oraliq mahsulotlar - radikallar, karbokationlar, karbanionlar, ularning barqarorligi, tuzilishi va reaksiyalari.
  

Ushbu dastur, O‘zbekiston Respublikasining “Ta’lim to‘g‘risida”gi qonuni hamda Kadrlar Tayyorlash Milliy Dasturiga muvofiq, mutaxassislik bo‘yicha oliy o‘quv yurti hamda oliy o‘quv yurtidan keyingi ta’lim (tayanch doktorantura) jarayonida egallanishi lozim bo‘lgan bilimlar doirasini qamrab olgan.
Ushbu masalalarni dasturda yoritishda O‘zbekiston Prezidenti 2017—2021 yillarga mo‘ljallangan Harakat strategiyasi, O‘zbekiston Respublikasi Prezidentining 2017 yil 20 apreldagi “Oliy ta’lim tizimini yanada rivojlantirish chora-tadbirlari to‘g‘risida”gi PQ-2909 sonli qarori, O‘zbekiston Respublikasi Prezidentining 2017 yil 27 iyuldagi “Oliy ma’lumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari to‘g‘risida”gi PQ-3151-sonli qarori, O‘zbekiston Respublikasi Prezidentining Oliy Majlisga Murojaatnomasi bayon qilgan fikrlari metodologik asos qilib olindi.