Датчиклар

Термоэлектрик датчиклар – терможуфтликлар – иссиқлик энергиясини бевосита электр юритувчи куч (ЭЮК)га айлантиради ва турли объектларда ҳароратни ўлчашда ишлатилади (1.12-Расм).




1.11. Расм.
Т ерможуфтлик деб, учлари кавшарланган икки хил металлдан ясалган т е р м о э л е к т р о д (А ва В ўтказгич)дан иборат электр занжирга айтилади. Терможуфтликнинг ўлчанаётган муҳитга тегиб турадиган кавшарланган учи иссиқ уланма, ўзгармас ҳароратли муҳитдаги эркин учи эса совуқ уланма дейилади.
Терможуфтликда ҳосил бўлган ЭЮК термоЭЮК деб юритилади. ТермоЭЮК пайдо бўлишининг сабаби икки хил металл уланган жойда эркин металлар диффузияси ҳосил бўлиши ва электронлар иссиқ томондан совуқ томонга қараб ҳаракатлана бошлашидир. Бунда А ва В металлар орасида потенциаллар айирмаси, бирикиш жойида электр майдони пайдо бўлади.
Ўлчаш асбобини улаш учун терможуфтликнинг электр занжирини узиб ташлаш лозим. Термо э.ю.к.ни ўлчаш учун (Расм 1.11) терможуфтликнинг совуқ учи одатда очиқ қолдирилади ва эркин учлари иккиламчи ўлчов асбоби – милливольтметр уланади.
Хабарчи қурилмаларни ўлчов схемаларига улаш.
Бирламчи назорат асбоблари - датчиклардан автоматик бошқарув системасига келиб тушаётган сигнал(маълумот)лардан ўлчанаётган қиймат тўғрисида фойдали маълумотни олиш, халақит берувчи омилларни йўқотиш, бошқарувчи мосламалар қабул қилиши учун қулай бўлган формага солиш учун дастлаб уларни ўзгартириб олиш керак бўлади. Шу мақсадларда ҳабарчи қурилма(датчик)ларни улашнинг махсус ўлчов схемалари, иккиламчи назорат асбоблари, сигналларни аналог формасидан рақамлисига ва тескарисига ўтказувчи ўзгартиркичлардан фойдаланилади.
Датчикларни иккиламчи (кўрсатувчи, ёзувчи ва ҳ.к) асбобларга улаш учун тўғридан-тўғри, кўприк схемалари, компенсацион, дифференциал, индукцион, ферродинамик ўлчов схемалари ва бошқалар кўлланилади.