Darsning texnologik xaritasi mavzu

Mavzu: Nazorat ishi

DARSNING MAQSADI:

Ta'limiy maqsad - o'tilgan mavzular bo'yicha olingan nazariy ma’lumotlarai amaliy qo'llash;

Tarbiyaviy maqsad - o'quvchilarda hushyorlik, sergaklik xarakterini shakllantirish;

Rivojlantiruvchi maqsad - og'zaki va yozma savodxonlikni o'stirish.

Dars turi: nazorat ishi

Dars usuli: bayon

Darsning rejasi:

1. 
   Bayon matni bilan tanishtirish.
   
2. 
   Matn mazmuni bo'yicha suhbat.
   
3. 
   Bayon yozish.
   

Darsning jihozi: yozma ish matni.

Darsning borishi:

1.Tashkiliy qism:

a)salomlashish

b)davomatni aniqlash

d) she’riy daqiqalar

YANGI MAVZUNING BAYONI

O'qituvchi bayon yozish qoida va tartibini eslatadi. Matnni ikki-uch bor o'qib eshittiradi. Mazmuni tahlil qilingach, ikki o'quvchi qayta hikoya qilib boradi. Ifoda maqsadiga ko'ra qanday gaplar qo'Uanganiigi, ularga qo'yiladigan tinish belgilari izohlanadi. Shundan so'ng o'quvchilar bayon yozadilar. Yoziladigan bayonda ifoda maqsadiga ko'ra barcha gap turlari qatnashishiga erishish zarurligi ta'kidlanadi. Quyidagi matnni tavsiya qilamiz.

SEL

(Bir keksaning hikoyasi)

Bu voqeaga ancha bo'lgan. Biz tog'da yashardik: Siz tog'da bo'lganmisiz? Tog' manzarasi juda go'zal bo'ladi. Eh, ayniqsa, qish faslida uni ko'rsangiz edi! Men ana shu ayozli kunlarda ham atrofni tomosha qilib to'ymas edim...

Bahorga yaqin havo isib, qorlar eriy boshladi. Yomg'ir yog'ib, jalaga aylanib ketdi. Qor suvi bilan yomg'ir suvi qo'shilib, tog'dan pastga oqa boshladi. Xavfli sel oqimi paydo bo'ldi. Odamlar vahimaga tushdilar. Nima qilish kerak?

- Kerakli narsalarni olib bolaxonaga chiqinglar! - dedi dadam.

Mol-qo'ylarni qishloqdagi tepalikka haydadilar. Qani, yomg'ir tezroq tina qolsa! Qishlog'imizdan oqib o'tadigan kichkina soyning suvi toshib ketdi.

Sel to'xtagandan keyin juda ko'p mollarning oqib ketganligi ma Turn bo'ldi. Soy yaqinidagi bir qancha uylar buzilib dalani shag'al, qum, daraxt shoxlari bosib ketibdi.