Darsning texnologik xaritasi mavzu

YANGI DARSNING BAYONI

Topshiriq. Sovg'a, hadya, tuhfa, armug'on so'zlari ishtirokida gaplar tuzing Bu so'zlardan qaysi biri nutqda keng qo'llanilishini aniqlang.

Ma'nodosh so'zlarning bir qatorga tizilib kelishiga ma'nodoshlik qatori deyiladi. Boshqalariga nisbatan nutqda keng qo'llaniladigan va ma'nosi barchaga tushunarli bo'lgan so'z bosh so'z deb yuritiladi. Masalan, kulmoq, jilmaymoq, iljaymoq, tirjaymoq, qah-qah urmoq, xanda otmoq, hiringlamoq ma'nodoshlik qatoridagi kulmoq so'zi boshqalariga nisbatan nutqda ko'proq qo'llaniladi va uning ma'nosi barchaga tushunarli sanaladi. Shunga ko'ra, bu so'z bosh so' sanaladi.

Ma'nodosh so'zlarda ijobiy va salbiy ma'nolar bo'lishi mumkin. Kulmoq, jilmaymoq, qah-qah urmoq, xanda otmoq so'zlarida ijobiy ma'no kuzatilsa hiringlamoq, iljaymoq, tirjaymoq so'zlarida salbiy ma'no mavjud. Ammo bosh so'zda bunday ma'nolar bo'lmaydi.