Darsning texnologik xaritasi mavzu

MASHQLAR BAJARISH

239-mashqda berilgan matnni darslikdan o'qib mazmunini so'zlab beradilar. Shu o'rinda o'quvchilardan kelishik qo'shimchalarining ahamiyatini so'rash ham mumkin. Ularning javobi xulosalanib, nazariy ma'lumotlar yetkaziladi.

239-mashq. O'qing. Rivoyat mazmunini so'zlab bering.

XUSHMUOMALALIK

Xushmuomalalik yarim baxtdir, ya'ni u baxt eshigini ochishi mumkin, xolos. Biroq, bu bilan baxtni uzoq ushlab bo'lmaydi. O'zingiz o'ylang, inson xushmuomala bo'lsa-yu, lekin mehribonlikni va g'amxo'rlikni bilmasa, birovning mushkulini oson qilmay, faqat o'zining shaxsiy manfaati uchun ish yuritsa, hurmatga sazovor bo'lmaydi, yakkalanib qoladi.

Xushmuomalalik zaminida mehnatsevarlik bilan bir qatorda mehribonlik va g'amxo'rlik qaynab tursa, odam umrbod baxtli hayot gashtini suradi.

Topshiriq. Matndagi kelishik qo'shimchalarini ko'chiring.

240-mashq. Nuqtalar o'rniga mos otlarni qo'yib, so'z birikmalarini ko'chiring.

... onasi,

... bordi,

... chiqdi

,... ko'chasi,

... jo'nadi,

... intizomi,

... kichik,

... o'qidi,

... javobi.

241- mashq Nuqtalar o'rniga jo'nalish kelishigi qo'shimchasini qo'ying.

1. Suvlar... tikilsam, ko'zim yoshlanur, jarlar... egilsam - aylanur boshim.

2. Ko'k... boqqan yiqilur.

3. Odobli bola el... manzur.

4. Maqtov ahmoq... yoqar. (Maqollar)