Darsning texnologik xaritasi mavzu

YANGI DARSNING BAYONI

Dars sinf taxtasida quyidagi so'z birikmalarini yozish bilan boshlanadi:

kitobni o'qish, maktabga borish, bolalarning kattasi, uydan chiqmoq.

O'quvchilardan yuqoridagi so'z birikmalarini bir-biriga bog'lash uchun qanday vositalardan foydalanilgani so'raladi, bu bilan o'qituvchi muammoli vaziyat yaratadi. O'quvchilar bog'lovchi vositalar sifatida kelishik qo'shimchalaridan foydalanilganini aytadilar.

Darslikdagi 1-va 2-topshiriqlar ham bajartiriladi, 2-topshiriqdagi kitob, kitobning, kitobni, kitobda, kitobdan, kitobga so'zlarini o'qidim, muqovasi, oldim, yozilgan, ko'chirdi, xabardor bo'ldi so'zlaridan muvofiq kelgani bilan bog'lab doskaga yozadilar. Kelishik qo'shimchalarining tagiga chizdiriladi.

Kelishik qo'shimchalari jadvalini o'quvchilar daftarlariga ko'chirib oladilar.

Otlarga qo'shilib, ularni o'zidan keyin kelgan boshqa so'zlarga tobelashtirib bog'lab keladigan qo'shimchalarga kelishik qo'shimchalari deyiladi. Tilimizda 6ta kelishik mavjud bo'lib, ulardan beshtasining qo'shimchasi bor: 1) bosh kelishik (-);

2) qaratqich kelishigi (-ning);

3)tushum kelishigi (-ni);

4)jo'nalish kelishigi (-go, -ka, -qa);

5) o'rin-payt kelishigi (-da);

6) chiqish kelishigi (-dan).