Conference proceedings

 
Açar sözlər: 
konstruksiya, texnoloji proses, ərinti, lehim, kimyəvi tərkib, ərimə temperaturu, maye faza, kristallaşma. 
Giriş 
Lehimləmə prosesində detalların kənarında ərimə baş vermir, bu da istehsal prosesində detalların forma və 
ölçülərini saxlamağa imkan verir. Aşağı temperaturlu lehimləmənin tətbiqi birləşdiriləcək hissələrin materialının struktur 
və xassələrini dəyişməz saxlayır. Lehim birləşməsinin alınması prosesinə onun struktur və xassələrinin dəyişməsinə səbəb 
olan müxtəlif faktorlar təsir göstərir: qarşılıqlı təsirdə olan materialların təbiəti, maye fazanın miqdarı, fluslayıcı mühit, 
qızdırılma üsulu, lehimləmə rejimi, təzyiq, elektrik və maqnit sahələrinin təsiri və s [1, 2].
Lehimlənən konstruksiyaların istismar temperaturlarının yüksəldilməsinə nail olunması bir sıra temperatur 
amillərinin nəzərə alınmasını təmin edir. Bu amillər lehimlənmə prosesinin yerinə yetirilməsində temperaturla bağlı əsas 
şəraitləri təşkil etməlidir. Bunlar lehimlənmənin spesifik texnolojiliyindən irəli gəlir.