Byudjet hisobi va nazorati

TAKRORLASH VA MUNOZARA UCHUN SAVOLLAR 
1.
Byudjet hisobi va nazoratining subyektlarini tavsiflab bering? 
2.
Byudjet hisobi va nazoratining obyektlarini tavsiflab bering? 
3.
Moliya organi, G‘aznachilik va uning xududiy bo‘linmalari bosh 
hisobchisining majburiyatlari, huquqlari va javobgarligini bilasizmi? 
4.
Davlat Byudjeti ijrosi bo‘yicha Byudjet hisobini tashkil etishning xorij
tajribalaridan
 
bilasizmi? 
5.
Byudjet nazoratini rejalashtirish va o‘tkazish to‘g‘risida nimalarni
 
bilasiz? 
 

---

40 
3-BOB. 
BYUDJET 
HISOBI 
VA 
NAZORATIDA 
BUXGALTERIYA 
BALANSINING AHAMIYATI 
REJA: 
1. Byudjet hisobi va nazoratining
 
subyektlari va obyektlarining iqtisodiy 
mazmuni hamda byudjet ijrosi sohasidagi vazifalari. 
2. Moliya organi, G‘aznachilik va uning xududiy bo‘linmalari bosh 
hisobchisining majburiyatlari, huquqlari va javobgarligi. 
3. Byudjet hisobining ijrosi bo‘yicha axborot tizimlari va ulardan 
foydalanish. 
4. Davlat byudjeti ijrosi bo‘yicha byudjet hisobini tashkil etishning xorij
tajribasi. 
5. Byudjet nazoratini rejalashtirish va o‘tkazishning xususiyatlari
.
 
3.1.
 
Buxgalteriya balansi haqida tushuncha, uning tuzilishi, mazmuni va 
ahamiyati 
 
 
 
Buxgalteriya balansi
– muayyan sanaga tashkilot mablag‘lari va ularning tashkil 
topish manbalari bo‘yicha holatini pul shaklida iqtisodiy guruhlashtirish va 
umumlashtirgan holda aks ettirish usulidir.
Balans yordamida korxona va tashkilotlarning o‘ziga taalluqli mablag‘lari, qarzga 
olingan mablag‘lari, vaqtinchalik foydalanishga olingan mablag‘lari to‘g‘risida aniq 
ma’lumotga ega bo‘lish mumkin, ikkinchidan mablag‘lar holatini nazorat qilish 
imkoniyatini bersa, uchinchidan mablag‘ turlarini o‘rganish uchun asos 
hisoblanadi. 
Buxgalteriya balansi ikki qismdan: aktiv va passiv qismlardan iborat. 
Balans aktivida korxona sarmoyasining tarkibi va joylashtirilishi, passivda esa – 
aktivlarni tashkil topish manbalari, ya’ni o‘z sarmoyasi va majburiyatlar, boshqa
korxona yoki jismoniy shaxslarning vaqtincha jalb qilingan mablag‘lari ko‘rsatiladi.