Bolalar adabiyoti o‘zbekiston respublikasi oliy va o‘rta maxsus ta’lim vazirligi

XIRMON QO‘SHIQLARI
Ayri tuyog‘ing olmosdir,
Mayda qilmay qo‘ymasdir.
Seni boqqan bu egang
Mehnatidan qolmasdir.
Mayda qilsang, shunday qil,
Qizilini qirday qil,
Somonini soyday qil.
Mayda-mayda moybosar,
Ot o‘rnini toy bosar.
Otadan o‘g‘il qolsa,
O‘lmas, o‘rnini bosar,
Tog‘larda bor navshatir,
Uni zargar ushatir.
Qo‘limdagi tol ximcha
Qovurg‘angni qaqshatir.
Mayda desam yarashar,
Xaloyiqlar qarashar.
Sag‘ringdagi teringga
Charmgarlar talashar.
Mayda-mayda, mayda deb,
Gavron urdim cho‘qqingga.
O‘n ikki oy ishlading.
Somon qoldi haqqingga.
Orqangdan qochgan qulon,
Qulonlar emas, bulon.
Bu maydani bo‘lgan so‘ng
Bo‘z qizdayin bir sulan.
Galagovda to‘rt ho‘kiz,
To‘rttovi ham yo‘rt ho‘kiz,
O‘z ishini tindirib,
Salmanglagan mard ho‘kiz.
Mayda-mayda parisin,
Don somondan arisin.
Chorisini olgan so‘ng
Qaytaraman barisin.
Maydajon ovozasi,
Po‘latdan darvozasi.
Bir bog‘ poxol bo‘ladi
Maydajonning g‘avzasi.
Mayda qilsang, tuzday qil,
www.ziyouz.com kutubxonasi

---

1 3
Sochini yuvgan qizday qil.
Mayda, jonivor, mayda.
Somoni senga foyda.
QO‘SH QO‘SHIG‘I
Ola ho‘kiz, targ‘il ho‘kiz,
Shudgor tanobin tortib cho‘z.
Qo‘sh haydaymiz bahor va kuz,
Atrofimiz dala va tuz,
Yur, jonivor, xo‘sh jonivor!