Bolalar adabiyoti o‘zbekiston respublikasi oliy va o‘rta maxsus ta’lim vazirligi

ERKALATMANG BOLANI!
Ahmadjonga gap yuqmas,
Hech kimning so‘zin uqmas.
Dars tayyorlash o‘rniga
To‘pni tepib yursa bas¾
Tabelda ko‘p „ikki“lar,
U ko‘chaga likillar.
G‘ozdek cho‘zib bo‘ynini
Har chorbog‘ga tikilar.
Sherigi sho‘x o‘g‘il-qiz,
Ko‘rib uydan chiqar tez.
To‘s-to‘polon ko‘chada,
Qo‘shnilar xunob shu kez.
— Hoy, Ahmadjon, Farida,
Futbol o‘ynang narida!
Derazam bo‘lar chil-chil,
Ta’zir yedim o‘tgan yil.
To‘rt-besh bola bo‘lgan jam,
„To‘p o‘yin“ qizg‘in shu dam.
Darichaning ko‘zini
Kul-kul qildi to‘p birdan.
Ana ko‘ring tomosha,
To‘p ham ketdi tom osha.
www.ziyouz.com kutubxonasi

---

1 1 6
Hojar xola arz etib,
Boshlar janjal, mashmasha.
Tag‘in to‘pning dastidan
Devor usti-pastidan —
Nurab tushar tuproqlar,
Changlar burqsib ostidan.
Ertasi posbon aka
Topib Qodir, Ahmadni,
Tushuntirdi tor joyda
To‘p keltirgan „zahmat“ni.
Qo‘chqor aka jo‘rtaga
O‘g‘lin imlab o‘rtaga,
Hadeb oqlashga tushdi —
Birni qo‘shib to‘rttaga.
Posbon aka miq etmay,
Bo‘lgan ishni berkitmay —
Qog‘oz tutdi otaga:
— Buni oling, men ketay!..
Shaharga jo‘nab o‘zi,
Tezda suhbatni uzdi.
O‘g‘li uchun o‘n so‘mni
Qo‘chqor ota naqd cho‘zdi¾
www.ziyouz.com kutubxonasi

---

1 1 7