Биринчи тенденция

Хорижий мутахассислар ахборот-коммуникация технологиялари ривожланишишшг қуйидаги тенденцияларини келтиради. Уларни қисқача таърифлаймиз.
Биринчи тенденция — ахборот маҳсулотлари таърифининг ўзгартирилиши билан боғлиқ, у кўпроқ даражада ҳисоблаш тахлилий ишининг натижаси ва ШКдан якка тартибда фойдаланувчига берилган ўзига хос хизмат ўртасидаги муносабатга айланмоқда.
Иккинчи тенденция — ААТех мантиқий элементларининг параллел равишда ўзаро ҳамкорлик қилишга қобилияти, ахборотларнинг барча турлари (матн, обзорлар, рақам, товушлар) инсон томонидан сезги органлари орқали бир вақтда хис қилишга йўналтирилишининг бирга қўшилиши таъкидланади.
Учинчи тенденция — ахборотлар манбасидан то унинг истеъмолчигача бўлган йўлдаги барча оралиқ бўғинларининг бартараф қилиниши башорат қилинади. Масалан, муаллим ва ўқувчилар, сотувчи ва харидор, ашулачи ва тингловчи, олимларнинг, мутахассисларнинг корхонадаги ўзаро бевосита мулоқоти, видеоанжуманлар тизими, электрон дўкон, электрон почта орқали амалга ошади.
Тўртинчи тенденция — етакчи сифатида йўлдошли алоқа ва умумжаҳон INTERNET глобал тармоғидан фойдаланиш натижасида ахборот-коммуникация технологияларини глобаллаштириш тенденцияси давом этмоқда, у туфайли одамлар сайёрамизнинг исталган нуқтасидан туриб бир-бирлари ва маълумотларни умумий базаси билан мулоқот қилишлари мумкин.
Бешинчи тенденция — ААТех ривожланиши жараёнининг замонавий, охирги белгиси сифатида кўриб чиқилмоқда. У моддий ишлаб чиқариш соҳалари ва ахборот-коммуникация технологиялар бизнеси ўртасидаги фарқларнинг йўқотилиши, фирмалар ва корпорациялар турларини каттароқ диверсификациялаш, саноатнинг турли хилдаги тармоқлари, молиявий сектор ва хизматлар соҳасининг ўзаро бир-бирига кириб боришидан иборат бўлади.
Шундай қилиб, замонавий ахборот-коммуникация технологиялари ижтимоий ривожланишнинг саноат давридан жаҳон кўламидаги ахборот даврига ўтишнинг асосидир.