Билимлендириў мәкемелеринде 1-октябрь «Муғаллимлер ҳәм устазлар» байрамына арналған кеше өткериў бойынша сценарияси

(Байрамның ашылыў салтанаты ушын сөз бериледи)
Баслаўшы: Бүгинги байрам салтанатын ашып бериў ушын сѳз нәўбетин мектебимиздиң директорына беремиз__________________________________ Оннан соң избе-изликте келген мийманларға сѳз бериледи.
Байрам кешесиниң саз-саўбет бөлими
Баслаўшы: Мине бүгинги байрам кешесиндеги ең жақсы байрам тилеклерин cизлерге арнаймыз ҚӘДИРЛИ УСТАЗЛАР! Ортаға устазларды қутлықлаў ушын оқыўшыларды мирәт етемиз. Оқыўшылар тәрепинен муғаллим ҳәм устазларға арналған тақмақлар оқылады.
Баслаўшы: Қолымызды кѳксимизге қойып, ҳүрмет пенен деймиз:
Ҳaмме оқыўшылар: Ассалаўма әлейкум, әзиз инсанлар!

1- оқыўшы: Мектеп босағасына қойғанда қәдем,
Маған бийтаныс боп сырлы әлем,
Жасқанып турсам да күлимлеп келип,
Күтип алған едиң, мени устазым.

2- оқыўшы Дүнья қанша турса, сонша жасаўшы,
Илаҳийда инсан-муғаллим!-деймен
Саған миннетдарман мәңги устазым.
Аспанда жарқырап жанып турғайсыз!
3-оқыўшы: Бахытлы болсын деп барлық ул-қызлар,
Кеўилге жақсылық салып турғайсыз.
Алдағы ӛмирлер, айлар ҳәм жыллар
Бизди туў алыстан танып турғайсыз!

4-оқыўшы: Басымнан сыйпалап мийирбан болып
Жадырап турар-ең ай киби толып
Ҳәр күн айтқан сӛзиң қәстерли болып.
Жүрегимде уйалаған устазым.

5-оқыўшы: Сеннен алған дәслепки сол билим,
Маған тирек болды-ӛмирге нышан,
Жетилискен болсам болып бир инсан,
Саған миннетдарман мәңги устазым.

6-оқыўшы: Хызметиңиз келешектен қайтқандай.
Жаңа бостанлардың бағманларысыз.
Сиз устазлар, Президент айтқандай,
Азат елдиң әзиз адамларысыз.

Ҳaмме оқыўшылар: Шәкиртлик алғыс саған, әдиўли устазларым,
Даңқ ҳәм алғыс сизге, қәдирдан устазларым!
Баслаўшы: Оқыўшыларыңыз тәрепинен таярланған қосықлар Сизлер ушын айтылады. Оқыўшылар қосық айтып ойынға түседи.

1. 
   ________________________________________________________
   
2. 
   ________________________________________________________
   
3. 
   Соңынан оқыўшылар таярлаған «Ўатаным-Анам-Устазым» атлы театрластырылған саҳналы кѳринис қойып бериледи. Саҳналы кѳриниси Ўатан ҳаққында қосықтың музыкасы әстен қойылады, Саҳнаға Ана қызы менен шығып келеди ҳәмде қызына қарап устаз, ата-ана, меҳирмуҳаббат, ғәрезсизликтиң бизге берген инамы тынышлық ҳаққында толқынланып нәсият айтады. Қыз анасына қарап Ўатан деген не? деп сорайды.
   

Ананың жуўабы: Сен Ўатан перзенти болсаң,
Ўатанды сүймегиң керек,
Ўатан-демекдур анаң,
Қәдириң билмегиң керек,
Ўатан, деп қол қаўсырып,
Басты иймегиң керек
Саҳнаға оқыўшылар шығады қыз ӛз досларына Ўатан деген не? деп сораў береди.