Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda

Masala. input.txt faylida probellar bilan ajratib yozilgan barcha sonlarning yig’indisini output.txt fayliga ko’chiring.
Yechish: Faraz qilaylik, input.txt fayli yaratilgan bo’lib, unga ketma-ket 12 4 6 7 15 3 8 11 9 13 42 10 16 3 sonlari bir-biridan probellar orqali ajratib yozilgan bo’lsin. Albatta ushbu matn fayli dastur kodi yozilgan papkada joylashgan bo’ladi.
Dastur kodining birinchi qismi matn faylini o’qishga (1-3 satrlar), ikkinchi qismi hisoblash ishlarini bajarish va faylni output.txt fayliga ko’chirishdan iborat (4-9 satrlar).
Ma’lumki input.txt faylidagi sonlar satr ko’rinishida bo’lib ular bir-biridan probel orqali ajratilgan. Shuning uchun matn faylini yopishdan avval fayldagi sonlarni split() ajratib olish kerak bo’ladi (2 satr).
f = open('input.txt', 'r')
a = f.read().split()
f.close()
s = 0
for i in a:
s+=int(i)
fo = open('output.txt', 'w')
fo.write(str(s))
fo.close()
Natija: 159
Dasturning ikkinchi qismida yig’indi hisoblanishi kerak bo’lganligi uchun sq0 deb olingan. Yig’indini fayliga yozib qo’yish uchun output.txt matn fayli yaratiladi. So’ngra tsikl ochilib, a da ketma-ket hosil qilingan sonlarni birma-bir butun songa aylantirib, bir-biriga qo’shib boriladi. Natija write funksiyasi orqali output.txt matn fayliga yoziladi.
Dastur ishga tushirilganda output.txt matn faylida 159 soni hosil bo’ladi.


With operatori.
With operatori o’zining bir qator qulay imkoniyatlari bilan ajrab turadi.
Fayllar bilan ishlaganda faylni yopish close() funksiyasi bilan yopilishi maqsadga muvofiqligi aytib o’tilgan edi. Dastur kodini soddalashtirish maqsadida with operatoridan foydalaniladi. Bunda with operatorining tanasida barcha kerakli amallar yoziladi. Amallar bajarilib bo’linganidan so’ng with operatori avtomatik ravishda faylni yopib qo’yadi.
Yuqoridagi dastur kodini with operatoridan foydalangan holda quyidagicha yozish mumkin:
with open('input.txt', 'r') as f:
a = f.read().split()
s = 0
for i in a:
s+=int(i)
with open('output.txt', 'w') as fo:
fo.write(str(s))