Barcha dasturlash tillari kabi Python dasturlash tili ham rivojlanib, zamonga va talabga qarab ishlab chiqaruvchilar tomonidan o’zgarishlar kiritib borilmoqda

Faylni yopish – close metodi.
Dastur kodida faylni ochish open() funksiyasi bor, lekin ochilgan faylni yopish close() funksiyasi mavjud emas. Fayllar bilan ishlaganda albatta fayl yopilishi talab qilinadi. Agar fayl yopilmasa, fayl ochiq holda qoladi va ma’lumotlarni buzilishiga yoki yo’qolishiga olib kelishi mumkin.
Yuqoriadgi dastur kodining oxirgi satriga close() satrining qo’shilishi maqsadga muvofiq.
Matn fayllari bilan ishlashda satrlarni bir-biriga ulash mumkin. Ko’pmncha bunday masalalar uzun sonlar bilan ishlash jarayonida foydalaniladi. Bizning misolimizda fayldagi satrlarni ulash mazmun jixatidan foydali bo’lmasada, satrlarni probellar bilan bitta satr ko’rinishida ifodalab, satrdagi barcha belgilar sonini aniqlaymiz.
f = open ('e:\PYTHON DASTURLAR\matn.txt')
t = f.readlines()
t_satr = ''
for satr in t:
t_satr += ' '+satr.rstrip()
print(t_satr)
print(len(t_satr))
Натижа:
Ey do‘stlarim, dunyoda Ortda qolgan iz yaxshi, Bulbuli yo‘q bahordan Qumri to‘la kuz yaxshi.
93


Faylga yozish uchun ochish
Ma’lumotlarni saqlashning eng sodda va yaxshi usuli bu faylga yozishdir. Hayotda shunday masalalar uchraydiki, dastur natijasini oynada yoki qog’ozga emas, balki fayl ko’rinishida saqlashga to’g’ri keladi. Yana shunday dasturlar borki, bu dasturlar natijasini ekranda ko’rish talab qilinmaydi, u ma’lumotlarni boshqa fayllardan olib, ma’lumotlarni qayta ishlaydi, zarurat bo’lsa, natijani oynaga chiqaradi. Bunday dasturlarga sistema dasturlari, drayverlarni misol keltirish mumkin. Masalan, bir yoki bir necha klavishlar kombinatsiyasi yordamida matn muxarriridagi tilni almashtirish va boshqa amallarni bajaramiz.
Agar faylga yozish uchun ochish kerak bo’lsa, u holda “w” – write (yozish) qiymatidan foydalaniladi. Masalan, biz joriy diskda “matn1_yozish.txt” faylini hosil qilmoqchi bo’lsak, f = open ('matn1_yozish.txt', 'w')ko’rinishida tashkil qilishimiz mumkin. Agar yaratiladigan fayl yuqoridagi misolimizdagidek e: diskning PYTHON DASTURLAR papkasida yaratmoqchi bo’lsak, f = open ('e:/PYTHON DASTURLAR/matn1_yozish.txt', 'w') ko’rinishida ifodalashimiz kerak bo’ladi.
Yaratilgan faylga biror matnni kiritish uchun yuqoridagi misolimizga o’xshash write() metodidan foydalanamiz: f.write()⁹ argumentiga tegishli ma’lumotlar kiritiladi, masalan yana Muhammad Yusuf to’rtligining davomini kiritamiz va albatta ochilgan faylni yopamiz.
f = open ('e:/PYTHON DASTURLAR/matn_yozish.txt', 'w')
f.write("Minnat to'la halvodan Ayvondagi muz yaxshi, O'pich ko'rgan paridan Sepkil toshgan yuz yaxshi.")
f.close()
Natijada PYTHON DASTURLAR papkasida matn_yozish.txt fayli yaratiladi. Ushbu faylni ochsak, biz kiritgan to’rtlikni ko’rishimiz mumkin bo’ladi.
Biz kiritgan matn bitta satrda ko’rinadi. Uni satrlarga ajratib ko’rsatish uchun avaal ko’rib o’tgan matnni kerakli qismidan yangi satrlarga o’tkazamiz. Buning uchun dastur kodining ikkinchi satrini quyidagicha:
f.write("Minnat to'la halvodan/nAyvondagi muz yaxshi,/nO'pich ko'rgan paridan/nSepkil toshgan yuz yaxshi.")
Natijada matn_yozish.txt fayli ochib ko’rilganda quyidagi ko’rinishdagi matnga ega bo’lamiz:
Minnat to'la halvodan
Ayvondagi muz yaxshi,
O'pich ko'rgan paridan
Sepkil toshgan yuz yaxshi.