Банкларда молиявий ҳисоб

14.Тижорат банкларида хужжатлаштириш ва инвентаризация (ҳужжат, реквизитлар, архивлаш, электрон почта, инвентаризация)
Banklarda moddiy qimmatliklarning amalda mavjudligini va ularning saqlanishini nazorat qilish uchun ular bank tomonidan davriy ravishda, lekin kamida yilda bir marta inventarizatsiya qilinadi. Inventarizatsiya o‘tkazish tartibi bank rahbariyati tomonidan belgilanadi va inventarizatsiya komissiyasi tuziladi. Inventarizatsiya komissiyasi tarkibi bank rahbari buyrug‘i bilan tayinlangan inventarizatsiya komissiyasi raisi va uning a’zolaridan iborat bo‘lib, ularning soni toq bo‘lishi lozim.Moddiy qimmatliklarni inventarizatsiyasi natijasida aniqlangan ortiqcha yoki kamomad yuzasidan o‘rnatilgan tartibda dalolatnoma tuziladi va buxgalteriya hisobida aks ettiriladi.Bankda o‘tkazilgan inventarizatsiya natijasida aniqlangan ortiqcha moddiy qimmatliklar bank daromadi hisoblanadi.Tijorat banklari xodimlarining aybi bilan foydalanishga yaroqsiz holga kelgan moddiy qimmatliklar yoki kamomad aniqlangan holda, ushbu moddiy qimmatliklarning haqiqiy qiymati, qonunchilikda belgilangan tartibda aybdor shaxslardan undirib olinadi. Etkazilgan zarar miqdorini, bank mulkiga zarar yetkazganligi uchun tashkilot xodimi moddiy javobgarligi doirasi va tartibini aniqlash O‘zbekiston Respublikasi Mehnat kodeksi bilan tartibga solinadi.
15.Фронт офис ва унинг вазифалари (банк хизматлари, мижоз, ҳисоб сиёсати, пул муомаласи, пул ҳисоб-китоб ҳужжатлари, кредитлаш бўлими, чакана операциялар)
Front-ofis ‒ qonun hujjatlarida nazarda tutilgan bank operatsiyalarini amalga oshirishda bank mijozlari bilan bevosita muloqotda boʻlgan holda ularga barcha bank xizmatlari koʻrsatuvchi xodimlar guruhidir. Ushbu guruhga Front-ofis boshligʻi rahbarlik qiladi. Front-ofisning asosiy vazifasi mijozlar topshirigʻi hamda bank ichki faoliyati boʻyicha amalga oshirilishi lozim boʻlgan operatsiyalarning qonunchilikka mos ekanligini aniqlash va ularni buxgalteriya hisobida aks ettirishga tayyorlashdan iborat. Front-ofis quyidagi boʻlimlardan iborat boʻladi: yuridik shaxslarga xizmat koʻrsatuvchi korporativ boʻlim; jismoniy shaxslarga chakana bank xizmatlari koʻrsatuvchi boʻlim; bankning ichki operatsiyalari (amalga oshiruvchi boʻlim). Front-ofis tarkibida bank uchun oʻta muhim mijozlar (VIP) ga xizmat koʻrsatuvchi alohida boʻlim tashkil etilishi mumkin. Bek-ofis ‒ Front-ofis tomonidan dastlabki nazoratdan oʻtgan va ijro uchun taqdim qilingan operatsiyalarni joriy nazoratdan oʻtkazish va bank operatsiyalarini amalga oshiruvchi buxgalterlar guruhidir.