Astanaqulova zuhraxon baxtiyorjon qizi

Pedagogning innovatsion faoliyati – bu pedagogning yangilikni qo’llashga tayyorgarligi, pedagogik yangiliklarni qabul qilishi, novatorlik darajasi, kommunikativ qobiliyatning rivojlanganligi va ijodkorligi bilan belgilanadi.
Innovatsion faoliyat pedagogning ruhiy, aqliy, jismoniy kuchini ma’lum maqsadga yo’naltirish asosida BKMni egallash, amaliy faoliyatni nazariy bilimlar bilan to’ldirib borish, bilish, loyihalash, kommunikativ nutq va tashkilotchilik mahoratini rivojlantirishni talab etadi.
M.Jumaniyozovaning e’tirof etishicha, pedagogik innovatsion faoliyati quyidagi belgilar asosida ya’ni ijodiy faoliyat falsafasini egallashga intilish, pedagogik tadqiqot metodlarini egallash, mualliflik kontseptsiyalarini yaratish qobiliyati, tajriba-sinov ishlarini rejalashtirish va amalga oshira olish, o’zidan boshqa tadqiqotchi-pedagoglar tajribalarini qo’llay olish, hamkasblar bilan hamkorlik, fikr almashish va metodik yordam ko’rsata olishlik, ziddiyatlarning oldini olish va bartaraf etish va yangiliklarni izlab topish, shuningdek, ularni o’z sharoitiga moslashtirib borishda namoyon bo’ladi.
V.Slasteninning fikriga ko’ra pedagogning ijodiy faolligi, faoliyatga yangilik (o’zgartirish) kiritishga texnologik va metodologik jihatdan tayyorgarligi, yangicha fikrlash va yuksak muomala madaniyati innovatsion yondashuv malakasiga ega ekanligini ifodalaydi.


1-BOB UCHUN HULOSALAR.
Ushbu “Ta’lim-tarbiyada jarayonida pedagogik texnologiya va innovatsion ta’lim texnologiyalarining nazariy asoslari” deb nomlanuvchi bobda, pedagogik va innovatsion ta’lim texnologiyalarining mazmun-mohiyati, ularning turlari va nazariy asoslari, innovatsion jarayon mohiyatini ifodalovchi qarashlar, qonuniyatlarni pedagoglarda innovatsion yondashuvning qaror toptirish bosqichlari asosida shakllantirish jarayonlari tushuntirilgan, shuningdek, fanlarni o’qitish jarayoniga innovatsion ta’lim texnologiyalarini qo’llashdagi yondashuvlar bayon etilgan bo’lib, quyidagicha hulosaga kelish mumkin:
1.Pedagogik texnologiya tushunchasi XX asrning 1940-1950 yillarda AQSHda “Ta’lim texnologiyasi” tarzida qo’llanilgan, keyinchalik “Dasturlashtirilgan ta’lim”, “Loyihalashtirilgan ta’lim” va o’tgan asrning 80 yillarida pedagogik texnologiya kompyuterli va axborot texnologiyalari bilan sinonim tarzda ishlatila boshladi. Keyingi o’n yilliklarda pedagog olimlar va o’qituvchiiar diqqatini jalb qilgan masalalardan biri pedagogik texnologiya hisoblanadi. Bu mavzuning ilmiy ishlarda, hisobotlarda, maxsus davriy nashrlarda qizg’in o’rganilayotganligi, baxs-munozaraga sababchi bo’layotganligi ham ta’lim-tarbiyada uning o’rni naqadar muxumligiga guvohlik beradi.
Pedagogik texnologiya mohiyati jihatidan boshqa texnologiyalar bilan bir safda tursada, ular ham boshqalar qatori o’z xususiy shakliga, metodlari va vositalariga egadir. Biroq pedagogik texnologiya inson ongi bilan bog’liq bilimlar sohasi sifatida murakkab va hammaga ham tushunarli bo’lmagan pedagogik jarayonni ifoda etishi bilan ishlab chiqarish va axborotli texnologiyalardan ajralib turadi. Pedagogik texnologiyaning o’ziga xos xususiyati, tarbiya komponentlarini o’zida mujassamlashtirganidir.
SHuningdek, hozirda pedagogik texnologiyalarning turli yo’nalishlari mavjud bo’lib, ulardan asosiylari empirik, kognitiv, evristik, kreativ, inversion, integrativ, additiv, inklyuziv pedagogik texnologiyalardir.
Bu yo’nalishlarning asosiy xususiyatlari quyidagicha: