Асосий ривожланиш тенденция ва йўналишларини аниқлаб олиш муҳим аҳамият касб этади

Мониторинг (хўжалик)
— жами иқтисодий кўрсаткичларни кузатиш ва стаистик ишлов 
бериш жараёни. 
 
Монополия – 
бирор нарсага нисбатан фавқулодда ҳуқуқ. Масалан, товарлар ишлаб 
чиқаришга, савдо қилишга, ташқи савдога, хизматлар кўрсатишга ва бошқалар.
Мутлақ устунлик
— хўжалик субъектлари (мамлакатлар)нинг ишлаб чиқариш харажатлари 
миқдорининг турличалигидан (масалан, бир жуғрофий шароитга эга бўлмаслик) 
фойдаланиши туфайли кўрган фойдаси. 
Нарх
— товарларнинг ижтимоий фойдалилиги ва қийматининг пул бирлигида 
ифодаланиши. 
Нефть экспорт қилувчи мамлакатлар ташкилоти (ОПЕК) – 
1960 йилда ташкил топди. 
1993 йилда Осиё, Африка ва Лотин Америкасининг
 
13 мамлакатини (Жазоир, Венесуэла, 
Габон, Индонезия, Эрон, Ироқ. Катар, Қувайт, Ливия, Нигерия, Бирлашган Араб 
Амирликлари, Саудия Арабистони, Эквадор) бирлаштирди.
Нисбий устунлик
— хўжалик субъектлари (мамлакатлар)нинг ишлаб чиқариш харажатлари 
йиғиндисидаги нисбий фарқдан фойдаланиши туфайли кўрган фойдаси. 
Ноу-хау
— муаллифлик гувоҳномаси (патент) билан ҳимояланмаган ишлаб чиқариш 
тажрибаси ва маҳорат сирлари.
Озиқ-овқат хавфсизлиги
— миллий ва глобал эҳтиёжларни озиқ-овқат маҳсулотлари билан 
таъминлаш имконияти. 
Осиё – Тинч океани минтақаси давлатларининг иқтисодий ҳамкорлик ташкилоти – 
ташкилот 1989 йилда ташкил топди. Янги Зеланди, Гонконг, Хитой, Австралия каби 
давлатлар ташкилоти бўлиб, шу ҳудуддаги 11 мамлакатни, Япония, АСЕАНга аъзо 6 
мамлакатни (Малайзия, Сингапур, Индонезия, Филиппин, Таиланд. Бруней) бирлаштиради.
Осиё ривожланиш банки (ОРБ) – 
1966 йили БМТнинг Осиё ва Тинч океани бўйича 
иқтисодий ва ижтимоий комиссиясининг (ЭСКАТО) қарорига кўра ташкил топди (1968 
йилдан бошлаб кредит фаолиятини бошлади). Акционер жамияти асосида иш юритади. Унга 
45 дан ортиқ давлат аъзо. Вазифаси Осиёдаги ривожланаётган давлатларнинг иқтисодий ва 
савдо муносабатларига ҳомийлик қилиш, уларга молиявий ва техник, иқтисодий ёрдам 
кўрсатиш, иқтисод соҳасида минтақавий ҳамкорлик қилишдир. ОРБнинг штаб-квартираси 
Манила шаҳрида жойлашган.