Anorgul atajonova

 
O‘zbekiston milliy ensiklopediyasi 
 
“O‘zbekiston milliy ensiklopediyasi” universal ensiklopediya bo‘lib, 
undan  umumbashariy  materiallar,  tushunchalar,  jahonshumul  voqea-
hodisalar  haqidagi  maqolalar  keng  o‘rin  olgan.  Unda  jahondagi  barcha 
davlatlar  to‘g‘risida  kompleks  maqolalar  berilib,  ularning  mustaqil 
O‘zbekiston Respublikasi bilan iqtisodiy-siyosiy, madaniy aloqalari haqida 
ma’lumotlar keltirilgan. 
Ensiklopediyada  O‘zbekistonning  eng  qadimgi  davrlardan  boshlab, 
to  hozirgi  kungacha  bo‘lgan  tarixi,  tabiati,  hayvonot  va  nabotot  olami, 
ijtimoiy-siyosiy  hayoti,  iqtisodi,  fani,  texnikasi,  adabiyoti  va  san’ati, 
me’morchiligi  va  musiqasi,  teatr  va  kinosi,  xalq  ta’limi  va  matbuoti, 
fizkultura va sporti, dini va urf-odatlari keng aks etgan. 
O‘zbekiston milliy ensiklopediyasida hamma zamonlar va xalqlarga 
mansub  mashhur  shaxslar,  ilm-fanning  turli  sohalariga  tegishli  allomalar, 
adabiyot  va  san’at  namoyondalari,  taniqli  siyosat  va  davlat  arboblari 
haqida maqolalar berilgan. 
O‘zbekiston  milliy  ensiklopediyasi  12  jilddan  iborat  bo‘lib,  unda 
qariyb 60 ming maqola, 12 mingdan ziyod surat va bezaklar, 1000 ga yaqin 
xarita, jumladan 150 rangli xarita berilgan. 
 

---

 
58