Anorgul atajonova

Vatan bayrog‘i 
 
Yurt bayrog‘in har joygamas, 
Ko‘nglingga ek, Ko‘ksingni o‘y. 
Ishlov bergin, yumshatib tur, 
Ildiz otsin, ko‘tarsin bo‘y. 
To bu bayroq, Vatan, nurlar 
Ich-ichingga ketsin kirib, 
Toki g‘anim – vatanxo‘rlar 
Ololmasinlar sug‘urib. 
Shunday o‘rgat qulni, xonni, 
Uchmas qush ham uchar bo‘lsin. 
To bayroqdan oldin jonni 
Bermak oson kechar bo‘lsin. 
  
 

---

 
31
BO‘GIN VA URG‘U 
 
34-mashq.  "Hikmat"  matnini  o‘qing.  Gap  nima  haqda  ekanini 
ayting.  "Hunarsiz  kishi  quruq  savlatdir"  degan  naqlni  qanday 
tushunasiz? O‘zingiz qanday hunarni egallagansiz? 
 
Hikmat 
 
Har  kimning  zari  bo‘lmasa-da,  ammo  hunari  bo‘lsa,  dunyoda  hech 
bir  xavf-xatari  bo‘lmaydi.  Shuning  uchun  kishi  hunar  ziynati  bilan 
bezanmog‘i  kerak.  Hunarsiz  kishi  quruq  savlatdir.  Quruq  savlat  qotib 
turgan  suratga  o‘xshaydi.  Sen  suratga  boq,  u  odamga  o‘xshasa-da,  joni 
bo‘lmaydi. Daraxt shoxi mevasiz bo‘lsa, kiyikning shoxlaridan nima farqi 
bor.  Qalam  garchi  cho‘p  bo‘lsa-da,  ilmu  hunarni  oshkor  qilgani  uchun 
azizdir.  Oyna  esa  go‘zallar  yuzi  tufayli  qo‘lda  yuradi.  Sen  Abu  Jahl 
tarvuzini  ko‘r,  shirin  tarvuzlar  kabi  chiroylidir.  Ammo  achchiq  bo‘lgani 
uchun qiymati yo‘q. 
 
 
Behunar odam emas, molu zari bo‘lganda ham, 
Bo‘lmag‘ay eshak odam anga libos yopganda ham. 
(Muhammad Javhar Zamindor ijodidan)