Analitik kimyo

NaOH+Na₂CO₃+3HCl → 3NaCl+2H₂O+CO₂,

BaCl₂+Na₂CO₃ → 4BaCO₃+2NaCl,

NaOH + HCl → NaCl+H2O.

Analizni bajarish tartibi. Titrlash uchun tayyorlangan eritmadan alikvot qism (20-25 ml) olinadi va titrlash kolbasiga solinadi. Eritmaga 2-3 tomchi metiloranj eritmasidan tomizib, kislotaning standart eritmasi yordamida eritma rangi qizarguncha titrlab, natriy gidroksid va natriy karbonatning umumiy miqdorini titrlashga sarflangan kislotaning hajmi (V_HClII) aniqlanadi. So‘ngra shuncha hajm tekshirila- digan eritmaning yangi ulushiga 1 N ВаС1₂ eritmasidan 15-20 ml qo‘shiladi, bunda karbonat cho‘kmaga tushadi. Karbonat to‘la cho‘ktirilgandan keyin eritmaga 3-4 tomchi fenolftalein tomizib, eritma rangsizlanguncha kislota eritmasi bilan titrlanadi (V_HClI). Shuni ta’kidlash kerakki, ishqorli eritma havodan karbonat angidridni yutishi mumkin. Bunda eritmadagi ishqor kamayib, natriy karbonat ko‘payadi. Shuning uchun ham titrlash uchun olingan eritma mumkin qadar tez titrlanishi va titrlash davomida ortiqcha chayqatilmasligi kerak.