Analitik kimyo

Xlorid kislotani buraning standart eritmasi bilan standartlash.

Buraning 0,1000 N birlamchi standart eritmasini tayyorlash. Buraning (Na₂B₄O_{7  } 10H₂O ) molyar massasi 381,37 g/mol ga teng. Bura HCl bilan quyidagi tenglamaga muvofiq reaksiyaga kirishadi:

Na₂B₄O₇ + 2HCl + 5H₂O = 2NaCl + 4H₃BO₃.

Shuning uchun bura ekvivalentining molyar massasi uning molekulyar massasining yarmiga teng:

250 ml 0,1N bura eritmasini tayyorlashda 4,7671 g bura olish kerak bo‘ladi.

Buraning standart eritmasini tayyorlash tartibi. Qayta kristallanib, namligi quritilgan buradan byuks yoki tigelga 4,8 g atrofida solib, avval texnik tarozida 0,10 g aniqlikda, so‘ngra analitik tarozida 0,0001 g aniqlikda tortib olinadi. 250 ml/hajmli o‘lchov kolbasiga voronka o‘rnatib, unga byuksdagi tuz solinadi va byuksda qolgan tuz qoldiqlari (yuqi) bilan yana analitik tarozida tortiladi. Kolbaning 2/3 qismigacha iliq suv solib, tuz to‘la eritiladi, so‘ngra uy temperaturasigacha sovitilib, yana belgisigacha suv solinadi. Hosil bo‘lgan eritma astoyidil aralashtiriladi.