Analitik kimyo

V_{NaOH 50%} = 0,1xV_k/C_NaOH = 0,1x250/18 = 1,39 ml
Tayyorlanadigan eritma taxminiy konsentratsiyali bo’lganligi uchun 50 % li ishqor eritmasidan darajalan- gan pipetka yordamida 1,5 ml o’lchab, 250 ml hajmli o’lchov kolbasiga quyamiz va uni kolbaning chizig‘igacha distillangan suv bilan suyultirib, astoydil aralashtiramiz. Ishqorning titrini oksalat kislota eritmasi yordamida aniqlaymiz.
OKSALAT KISLOTANING 0,1N STANDART ERITMASINI TAYYORLASH VA UNING YORDAMIDA 0,1N NAOH ERITMASINI STANDARTLASH

Oksalat kislota (H₂C₂O₄ x 2H₂O) ekvivalentining molyar massasi uning molyar massasining yarmiga (63,04 g) teng. 250 ml 0,1 N li eritma tayyorlash uchun 1,5758 g modda tortib olinadi. Oksalat kislota eritmasini tayyorlash tartibi. Toza, quruq byuks yoki tigelda oldin texnik tarozida 1,60 gr, so‘ngra analitik tarozida aniq 0,0001 g aniqlik bilan oksalat kislota tortib olinadi. 250 ml li o’lchov kolbasiga toza voronka qo‘yib, unga byuksdagi modda solinadi. Byuks oksalat kislota yuqi bilan yana analitik tarozida tortiladi. Kolbaning yarmigacha suv solib, oksalat kislota toza eritiladi, so‘ngra kolbaning belgisigacha suv solinib, astoyidil aralashtiriladi.