Alisher Navoiyning avtobiografik g’azallari

o’ksukroqkim  o’zlari  jam’  qilib  erdilar,  bag’oyat  mashhur  bo’lib  erdi”. 

Darhaqiqat, Xurosonning mashhur husnixat egasi, Navoiy ta’biri bilan aytganda, 

“hattotlar  qiblagohi”  Sulton  Ali  Mashhadiy  va  boshqa  chiroyli  yozuv  egalari 

tomonidan  turli  davrlarda  shoir  asarlari  kitobat qilindi.  “Masalaning  bu  tomoni 

ulug’  shoir  asarlari  bilan  keng  xalq  ommasi  tanishish  imkoniyatiga  ega  bo’ldi, 

deyish  asosini  bera  olmaydi,  albatta”

1

.  XIX  asrning  70-yillarida  Turkistonda 

bosmaxonalarning  paydo  bo’lishi  bilan  bu  boradagi  kemtikliklar  bir  oz  bo’lsa-

da,  bartaraf  qilindi.  Qisqa  muddatda  Alisher  Navoiyning  “Xamsa”,  “Chor 

devon”, “Vaqfiya” va boshqa asarlari bir necha bor nashr etildi.  

      Ulug’  shoir  asarlarida  ilgari  surilgan  tayanch  g’oyalarni  teran  anglashga 

bo’lgan  intilish  maxsus  lug’atlar  tuzishga  asos  bo’ldi.  “Badoe’  ul-lug’at”  bu 

boradagi  dastlabki  izlanishlar  samarasi  bo’lib,  mazkur  asar  Alisher  Navoiy 

hayotining  so’nggi  yillari  yoki  shoir  vafotidan  bir  oz  keyin  vujudga  kelganligi 

taxmin qilinadi. Keyinchalik “Lug’ati Navoiy” shoir  ixlosmandlariga armug’on 

etildi. 1560-yilda Aloyi binni Muhibning “Al-lug’atun Navoiyyat val istishhodat 

                                                

1

 Vohidov R.; Eshonqulov H. O’zbek mumtoz adabiyoti tarixi. Toshkent, 2006. 200-bet.  

---

14 

 

ul-chig’atoyiyat”  (“Navoiy  lug’ati  va  chig’atoy  tili  dalillari”)  nomli  go’zal 

so’znoma  –  lug’ati  tartib  berildi.    Keyingi  asrlarda  ham  bunday  lug`atlarga 

bo’lgan  ma’naviy  ehtiyojning  sezilarli  darajada  mavjudligi  kuzatiladi.  XVIII 

asrda  Mirzo  Madhiyxon  “Mabon  ul-lug’at”  (“Lug’at  poydevori”)  nomli  lug`at 

tartib    bergan  bo’lsa,  XIX  asrda  Fat’ali  Kojariy  “Lug’oti  atrokiya”  (“Turklar 

lug’ati”) nomli asari bilan bunday  izlanishlarni davom ettirdi. Mazkur  lug’atlar 

uchun  Navoiy  asarlari  so’zlik  vazifasini  bajarib,  ularning  aksariyati  fors-tojik 

tilida yaratilgan edi. Xorazmlik olim va adib Muhammad Xoksor esa 1798-yilda 

o’zbek    tilida  tuzgan  “Muntahab  ul-lug’at”  (“Tanlangan  lug’atlar”)ida  Alisher 

Navoiy  asarlari    matnidan  olingan  parchalarga  keng  o’rin  bergan.  XIX  asrda 

bunday  ijodiy  ishlarni  Shayx  Sulaymon  Afandiy  Buxoriy  o’zining  “Lug’oti 

chig’atoyi va turki islomiy” sida sezilarli dajada rivojlantirdi.  

        O’zbek  adabiyotining  XV  asrdan  keiyngi  davrlarda  yashab  ijod  etgan 

taniqli  namoyandalari  ulug’  mutafakkir  Alisher  Navoiyni  o’zlariga  ma’naviy 

ustoz  deb  bildilar.  Bu  buyuk  sohir  qalam  sohibining  katta-yu  kichik  asarlariga 

naziralar  bitish,  javobiya  aytish,  g’azallariga  muxammaslar  bog’lash  nafaqat 

o’zbek  shoirlari,  balki  qardosh  xalqlarning  mashhur  so’z  san’atkorlari  orasida 

ham  ajoyib  an’anaga  aylandi.  Namuna  sifatida  taniqli  o’zbek  shoiri 

Shermuhammad  Munis  (1778-1829)ning  bir  she’rida  Alisher  Navoiyni  o’ziga 

pir  (ustoz)  deb  bilgani  va  o’z  ismining  ma’no  jihatdan  ulug’  Alisherga 

uyg’unligini iftixor bilan qayd qilganligini keltirish kifoyadir:  

So’z ichra Navoiyki, jahongir dudur, 

Munisg’a maoniy yo’lida pir durur. 

Yo’q g’ayriyat andin o’zgakim ayturlar, 

Bu Shermuhammad, ul Alisher durur.   

 

Shermuhammad  Munis  “Voliyi  mulki  tariqat  gar  Nizomiydur  mango” 

satri  bilan  boshlanuvchi  g’azalida  Sharq  mumtoz  adabiyotining  yirik 

darg’alaridan  adabiy  ta’sirlanganini  e’tirof  etar  ekan,  yana  Hazrat  Navoiy 

shaxsiga  yuksak  baho  beradi.  Munis  Alisher  Navoiy  ruhini  o’z  homiysi  deb 

---

15 

 

biladi.  Shu  bois  ham  hosid  (hasadchi,  shoir  yutuqlarini  ko’rolmaydigan)larning 

xatti-harakatlaridan g’am chekmasligini ta’kidlaydi: