Alisher Navoiyning avtobiografik g’azallari

1.  Ulug’  shoirning  o’z  asarlari.  Alisher  Navoiyning  deyarli  barcha 

asarlarida  uning  shaxsi,  ijodkorligi,  ijtimoiy-irfoniy  faoliyati  haqida  ma’lumot 

beriladi.  Bu  jihatdan  ayniqsa,  uning  “Xazoyin  ul-maoniy”,  “Xamsa”,  “Majolis 

un-nafois”,  “Mahbub  ul-qulub”,  “Muhokamat  ul-lug’atayn”,  “Vaqfiya”, 

“Xamsat  ul-mutahayyirin”,  “Nasoyim  ul-muhabbat”,  “Tarixi  muluki  ajam”, 

“Tarixi  anbiyo  va  hukamo”,  “Mezon  ul-avzon”,  “Munojot”,  “Arba’in  hadis”, 

“Siroj  ul-muslimin”  singari  asarlari  muhim  ahamiyat  kasb  etadi.  Mazkur 

asarlarda shoirning shaxsiy hayoti, u yashagan davrdagi ijtimoiy-siyosiy vaziyat, 

madaniy-ma’rifiy muhit, ba’zi asarlarining yozilish  tarixi va sabablari, adibning 

el-yurt  tinchligi,  obodonchiligi  yo’lida  olib  borgan  keng  qamrovli  faoliyati, 

Xuroson  davlatining  muhrdori,  vaziri  a’zami  sifatida  qilgan  savobli  ishlari, 

ustozu  shogirdlari  bilan  munosabati  singari  muhim  masalalar  xususida  bahs 

yuritiladi.  Ulug’  shoirning  o’z  asarlari  uning  hayoti  va  faoliyatini  o’rganishda 

eng ishonchli manbadir.  

---

9