Alisher navoiy nomidagi samarqand davlat universiteti o‘zbek filologiyasi fakulteti

Mavzuning  o‘rganilish  darajasi.  Taniqli  adabiyotshunos  Abdug‘ofur 

Rasulov  “Ardoqli  adib”  risolasida  adibning  hayoti  va  ijodiga  oid  ma’lumotlarni, 

asarlari  poetikasiga  xos  umumiy  belgilarni  o‘rganib  chiqadi.  Ushbu  risola  sharh 

xarakteriga  ega  bo‘lib,  adibning  biografiyasi,  asarlariga  doir  bir  qancha  yangi 

ma’lumotlarga, kuzatuvlarga boyligi bilan ajralib turadi. 

 

Professor Nuriddin Shukurov “Hayotiy badiiyat” maqolasida tarixiy voqelik 

bilan  “Dunyoning  ishlari”,  “Ikki  eshik  orasi”  sujetlarini  qiyoslab  tahlil  etadi, 

yozuvchining badiiy mahoratiga baho beradi. 

---

 

Professor Saydulla Mirzayev “Hozirgi o‘zbek adabiyoti” darsligida 60- 80-

yillar  romanchiligini  tekshirar  ekan,  O‘tkir  Hoshimov  romanlariga  ham  to‘xtalib 

o‘tadi,  romanlardagi  mavzu,  g‘oya,  personajlar  qiyofasi  kabi  masalalarga  e’tibor 

qaratadi. 

 

Adabiyotshunos  Umarali  Normatov  “Yangi  o‘zbek  adabiyoti”  o‘quv 

qo‘llanmasida O‘tkir Hoshimov ijodiga alohida to‘xtaladi. Publitsistik maqolalari-

dan  tortib  oxirgi  badiiy  asarlarigacha  tahlil  qiladi  hamda  adib  ijodini  kompleks 

o‘rganadi.  Shuningdek,  U.Normatov  Dilmurod  Quronov  bilan  qilgan  suhbati  – 

“Romanning  yangi  umri”  da  O‘.Hoshimov  romanlari  poetikasiga  xos  ayrim 

jihatlarni ko‘rsatib o‘tishadi.