Akbarova umida muxtor qizi

Tadqiqotning maqsad va vazifalari. Tadqiqotda avvalo, siyosiy adolat va barqarorlikni ta’minlashda jurnalistlarning roli, burch va vazifalarini, siyosiy jurnalistika, xususan, intervyularning ahamiyatini yoritib berish maqsad qilingan. Shu o’rinda, o’quvchilarning jurnalistika va intervyu tushunchalari, qonun-qoidalari haqidagi nazariy bilimlarini oshirish masalasi inobatga olingan. Bundan tashqari tadqiqotda, internet tarmoqlarida kengayib borayotgan turfa axborot oqimlari va ulardagi yod g’oya va qarashlarni to’g’ri baholay olish uchun, insonlarda qanday ko’nikma va qobilyatlarni shakillantirish zarurligi yuzasidan chora-tadbirlarni yoritish ko’zda tutilgan.
Tadqiqot obyekti va predmeti. O’zbekiston siyosati, u haqidagi BBC muhbirlari va boshqa shaxslarning qarashlari, fikr-mulohazalari hamda jurnalistika, intervyu, tanqidiy fikrlash to’g’risidagi nazariy bilimlar yoritilgan maqola va jurnallar tadqiqot obyekti va predmeti sifatida olingan.
Tadqiqot uslublari. Magistrlik dessertatsiyasini yozish jarayonida empirik, kuzatuv, induiktiv, tahlil, solishtirish kabi metodlar qo’llanildi.
Tadqiqotning ilmiy yangiligi. Tadqiqotda jurnalistlar va ular olib borayotgan intervyularining siyosiy jarayonlardagi ahamiyati, so’ngi paytlarda O’zbekiston siyosati va undagi siyosiy vaziyat to’g’risidagi fikr-muloxazalar, fuqarolarning kengayib borayotgan turli axborot oqimlarini to’g’ri baholay olishlari uchun, amalga oshirilishi kerak bo’lgan zarur chora tadbirlar va ularni qanday amalga oshirish kerakligi yuzasidan ma’lumotlar keltirilgan.
Tadqiqotning o’rganilganlik darajasi. Tadqiqotning o’rganilganlik darajasi juda oz. Tadqiqot mavzusini yorituvchi ma’lumotlar asosan internet tarmoqlarida uchraydi. Tadqiqotni o’rgangan shaxslarga misol qilib I. Yu. Glinskaya, Robert Semenovich Nemov, Karim Bahriyev va boshqalarni keltirish mumkun.
Tadqidot natijalarining amaliy va nazariy ahamiyati. Mazkur dissertatsiya orqali o’quvchilar jurnalistika sohasidagi nazariy va amaliy bilimlarini oshirishlari, nafaqat turli axborotlarga, balki, hayot yo’li davomidagi turli vaziyatlarga to’g’ri baho bera olishning eng samarali usullari haqida ma’lumot olishlari mumkun. Ma’lumotlar oqimi shu qadar keng va turfaki, insonlar uchun yaxshini yomondan, haqni nohaqdan, uydurmani haqiqatdan ajratish ancha qiyin kechmoqda. Ayniqsa yoshlar orasida turfa vaziyatlarga tog’ri baho bera olmaslik, yod g’oya va qarashlarga ko’r-ko’rona ergashish holatlari kuzatilyapti. Shuningdek, internet tarmoqlari va ijtimoiy tarmoqlarda turli siyosiy o’yinlarning ortishi ko’plab davlatlarda hukumat siyosatining xavf ostida qolishiga sabab bo’lmoqda. Shu sababli, jamiyatda adolat va siyosiy barqarorlikni ta’minlashda xolis va professional jurnalistlarga bo’lgan zaruriyat mavjud. Ushbu muammolarga yana bir chora sifatida, butun dunyoda tanqidiy fikrlash ko’nikmalarini shakillantirish dolzarb masalalardan biriga aylangan.