Akademiyalıq xat Ekologiyalıq jurnalistika – jańa baǵdar ma? 1-adım

Paydalanılǵan ádebiyatlar:
1.Ábdimuratov A Internet jurnalistikası mashqalaları,tendenciyaları. N.: QMU “Xabarshısı”, 2018.
2.Alimova G Social tarmoqlarda jurnalistika: shakllanish, faoliyat tendenciyalari, xususiyatlari. Avtoreferat.-T.:2017
3.Begniyazova Q Qaraqalpaqstanda internet jańa ǵalaba xabar quralı sıpatında PhD.dis. N.:2020.
Magistrlik dissertaciya jumısınıń logikalıq strukturalıq sxeması


Dissertaciya jumısınıń teması: Jaslar siyasatı máseleleriniń baspasózde sáwleleniwi
Ilimiy problema: Baspasózde jaslar siyasatı máseleleriniń sáwleleniw jaǵdayların tereńirek úyreniw.
Izertlew jumısınıń aktuallıǵı. Jaslar mámleketimizdiń keleshegi, millettiń rawajlanıwı ushın tiykarǵı kúsh bolıp esaplanadı. Jaslardıń bilim dárejesi, háreketsheńligi hám is júrgize alıwına qaray sol mámlekettiń erteńgi kúnin boljasaq boladı. Sonlıqtan da, mámeleketimizde jaslarǵa qaratılǵan itibar júdá kúshli bolıp, bul álbette, keleshekte óz jemisin beredi. Ózbekstanda qáliplestirilip atırǵan puqaralıq jámiyeti, turmısımızda kem-kemnen áhmiyeti artıp atırǵan modernizaciya procesi de, keń kólemli reformalardıń alıp barılıwı da usı jaslardı qollap-quwatlaw hám olardıń kelesheginiń aydın bolıwı ushın alıp barılmaqta. Demek, jaslarǵa qarata alıp barılıp atırǵan bul siyasattıń baspasózde járiyalanıw procesin úyreniw de házirgi dáwir jurnalistikasınıń eń aktual máselelerinen bolıp qalmaqta.
Izertlew jumısınıń obyekti hám predmeti. Bul jumısımızdıń izertlew jumısımızdıń obyekti – jaslar siyasatı máselelerine baylanıslı ǵalaba xabar qurallarındaǵı materiallar, al izertew jumısımızdıń predmeti bolsa, jaslar siyasatına baylanıslı baspasózde járiyalanǵan jaslardıń jámiyetlik siyasıy, huquqıy, mádeniy, sport hám basqa baǵdarlardaǵı turmısın sáwlelendiretuǵın materiallardı analizlew.
Izertlew jumısınıń ilimiy úyrenilgenlik dárejesi. Bul másele boyınsha arnawlı izertlew jumısı alıp barılmaǵan bolıp, Prezidentimiz Sh.Mirziyoyevtiń ózi Jaslarǵa baylanıslı jaslar siyasatı tuwrısında Nızam tastıyıqlaǵan edi hám H.Odilqoriev hám M. Sharifxojaevlardıń miynetlerinde jaslar siyasatına baylanıslı azı kem maǵlıwmatlar keltirilgen.
Izertlew jumısınıń maqseti hám wazıypaları. Bul izertlew jumısımızdıń maqseti –jaslarǵa baylanıslı baspasózde járiyalanǵan materiallardı úyreniw bolıp, bul maqsetke erisiw ushın biz óz aldımızǵa tómendegi wazıypalardı belgilep qoydıq:

• 
  Dáslep, jaslarǵa baylanıslı baspada shıqqan materiallardı toplaw;
  
• 
  Ózbekstandaǵı jaslarǵa baylanıslı nızamshılıqtı puqta úyreniw;
  
• 
  Baspasózde jaslar mashqalalarınıń sáwleleniwin analizlew;
  
• 
  Baspada shıqqan materiallardıń jámiyetlik hám siyasıy áhmiyetliligin bahalaw;
  

Izertlewdiń metodologiyalıq tiykarları. Jumısta salıstırma hám mashqalalı analiz metodları qollanıldı.
Jumıstıń ilimiy jańalıǵı. Bul baǵdarda aldın arnawlı izertlew alıp barılmaǵan bolıp, jaslar siyasatınıń ǵalaba xabar qurallarında sáwleleniwi hám onıń turmısımızǵa tásiri anıqlandı. Jámiyetimiz turmısında belsendi bolǵan gazeta-jurnallardaǵı materiallar tereńirek úyrenildi.
Izertlewdiń teoriyalıq hám ámeliy áhmiyeti. Izertlew jumısınıń teoriyalıq áhmiyeti –baspasózde jaslar siyasatına baylanıslı jarıq kórgen materiallar hám olardıń áhmiyetligi anıqlandı. Al, ámeliy áhmiyeti bolsa, joqarı oqıw orınlarınıń jurnalistika qánigeligi studentleri ushın qollanba sıpatında hám puqaralıq jámiyetiniń basqa institutlarında lektorlar járdemshi dárek sıpatında qollanıwı múmkin.
Izertlew jumısınıń strukturası. Jumısımız kirisiw, tiykarǵı bólim, úsh bap, juwmaq hám paydalanılǵan ádebiyatlar diziminen ibarat. Kólemi 75 betten ibarat.