Agrotexnologiyalar instituti

2.IBN SINO VA BOSHQA OLIMLARNING BU SOXALARDA OLIB 
BORILGAN ILMIY ISHLARI. 
 
Bugungi  kunda  dunyo  davlatlarida  12  ming  turdagi  dorivor  o‘simliklarning 
mingdan  ortig‘i,  mamlakatimizda  esa  1,2  ming  turdagi  dorivor  o‘simliklarning  112 
tasi  farmatsevtika  sanoatida  ishlatiladi.  O‘zbekiston  dorivor  o‘simliklardan 
foydalanish  bo‘yicha  dunyo  davlatlari  o‘rtasida  o‘ziga  xos  tarixiy  o‘rni  va  nufuziga 
ega.  Bobomiz  Abu  Ali  ibn  Sino  dorivor  o‘simlklarni  tibbiyotda  amaliy  jihatdan 
foydalanish  samarasini  isbotlagan.  Uning  noyob  asarlarini  dunyo  olimlari  tan  olib, 
bugungi kungacha qo‘llab kelmoqda. 
Jahon fani, xususan tabobat ilmi taraqqiѐtiga ulkan hissa qo‘shgan Abu Ali ibn 
Sino  O‘rta  Osiѐ  tuprog‘idan  yetishib  chiqqan  vatandosh  allomalarimizdan  biri 
hisoblanadi. 
Mashhur  hakim  Abu  Ali  Ibn  Sino-1020  yilda  5  jildlik  «Al-  qonun»  («Tib 
qonunlari»)  kitobini  yozadi.  Bu  kitobning  II  jildi  oddiy,  V  jildi  esa  murakkab  dorilarga 
bag‘ishlangan  bo‘lib,  kitobning  II  jildida  o‘sha  zamonda  tibbiyotda  ishlatiladigan  811 ta 
dorivor o‘simliklar, ulardan va hayvonlardan olingan mahsulotlar hamda mineral dorivor 
vositalar  ta‘riflangan.  Kitobda  kelti-  rilgan  dorivor  o‘simliklar  soni  500  tadan, 
o‘simliklardan olingan dorivor vositalar soni 40 tadan ortadi. «Al-qonun» ko‘pgina Ovrupo 
tillariga  tarjima  qilingan  bo‘lib,  fakat  lotin  tilining  o‘zida  16  marta  chop  etilgan.  XVI 
asrgacha  Ovrupo  vrachlari  undan  qo‘llanma  sifatida  foydalanganlar.  Osiyo 
mamlakatlarida,  ayniksa  tabobatda  va  an‘anaviy  tibbiyotda  hozirda  ham  «Al-konun»dan 
keng foydalanilmoqda.  

---