A. M. Eshmuradov, D. T. Normatova

SANT-D platasi. Umumiy ma’lumotlar

SANT-D platasi raqamli SDH-uzatish tizimiga 155,52 Mbit/s tezlikda optik ulanishni ta’minlaydi va bu tizimga IQ shina bo‘yicha har ikkala yo‘nalishlarda tashiladigan ATM- yacheykalarning moslanishini amalga oshiradi. Bundan tashqari, bu platada ASAM multipleksorlarini ishlatish va texnik xizmat ko‘rsatish uchun zarur bo‘ladigan funksiyalar ko‘zda tutilgan.

IQ-interfeys SANT-D va ADSE-A larni ASAM orqa paneli bilan bog‘laydi va ikkita shinalardan tashkil topgan:

• 
  IQ_D shinalari, ular to‘g‘ri yo‘nalishda yuqori tezlikli uzatish (ATM-yacheykalarni) uchun mo‘ljallangan;
  
• 
  IQ_U shinalari, ular teskari yo‘nalishda yuqori tezlikli uzatish (ATM-yacheykalarni) uchun mo‘ljallangan;
  
• 
  IQ_A(access) shinalari, ular IQ_U shinalariga ulanishni nazorat qilish uchun mo‘ljallangan.
  

IQ_D va IQ_U shinalari har biri 5-oktetli sarlavha va 48- oktetli ma’lumot maydoniga ega bo‘lgan ATM-yacheykalarning tashilishini ta’minlaydi. Bundan tashqari, har bir yacheykadan oldin bitta «bo‘sh» oktet qoladi. SANT-D ATM-yacheykalarni 54-oktetli slotlarga inkapsulatsiyalashni amalga oshiradi va IQ shinaga ulanishni ta’minlaydi. 155,52 Mbit/s tezlikni 152,64 Mbit/s tezlikka moslashtirish (155,52 Mbit/s dan = 53/54) to‘ldirilmagan yacheykalarni o‘chirish yo‘li bilan amalga oshiriladi. Bu VC-4 da bo‘lgan amaldagi ATM-yacheykalarning maksimal tezligi 149,76 Mbit/s (155,52 Mbit/s dan = 26/27) tezlik orqali cheklanishi bilan bo‘lishi mumkin.

IQ_A shinasi teskari kanalli interfeysga ulanishni nazorat qilish uchun mo‘ljallangan. U teskari kanal shinasidagi «to‘q- nashuvlar»dan qochishga zamin yaratadi va turli LT-obyekt- larning ulanishi uchun turli darajalar ustuvorliklarini kiritish imkoniyatini beradi.