4-mavzu. O'g'it turlari. Azotli o'gitlar Агрокимё. Д. С. Сатторовнинг умумий таҳрири остида. Тошкент, “Чўлпон”, 2011. 131-152 бетлар

Йўнғичқа алмашлаб экилган майдонларда бир хил нормада солинган суперфосфатнинг самарадорлиги

№	Тажриба станциялари	Экин	Алмашлаб экиш шароитида олинган қўшимча хосил (1 гектар ерга ц ҳисобида)
			Йўнғичқасиз	Йўнғичқа билан
1	Носов	Кузги жавдар	1,1	6,2
2	Харьков	Кузги жавдар	1,5	3,5
3	Немерчан	Қанд лавлагиси	30,2	66,6

МДҲ давлатларининг тупроқларини хилма-хил бўлиши фосфорли ўғитларининг ҳаммасидан унумли фойдаланиш имконини беради.

Аммиакни йўқотмаслик учун фосфорли ўғитларнинг ишқорий шаклдаги хилларини (томасшлак, фосфатшлак) аммиакли тузлар билан аралаштириб бўлмайди.
Қуруқ суперфосфатни ерга солишдан бирозгина олдин қуруқ аммиакли ва нитратли азотли ўғитлар билан аралаштириш мумкин.
Аммиакли селитра билан олдиндан аралаштириб қўйиш, аралашманинг намланиб қолишига, аммоний сулфат билан аралаштирилиши эса уни янгидан хосил бўлган гипс билан ушлаб қолинишига олиб келади. Нордон суперфосфатни нитрат ўғит билан аралаштирилиши учувчан нитрат кислотани йўқолишига олиб келиши мумкин:

H₃PO₄  NaNO ₃ NaH₂PO₄  HNO₃

Суперфосфатнинг нордонлиги ўсимлик учун зарарли, шунинг учун уни нейтраллаш лозим. Бунинг учун механик аралаштирган холда унга 15% гача фосфорит уни ёки 10% гача доломит уни ёки шунча карбонатли оҳак қўшилади. Ўювчи оҳакни қўшиш мумкин эмас, чунки бунда фосфат кислота ўсимлик томонидан ёмон ўзлаштириладиган бирикма шаклига ўтиб қолади. Суперфосфат билан олиб борилган кўп йиллик тажрибалар шуни кўрсатдики, бу ўғитни солиш натижасида тупроқнинг нордонлиги ўзгармайди. Ҳамма фосфорли ўғитларлариннг намланиш натижасида уларнинг физик хоссалари ва сочилувчанликлари ёмонлашади, масалан, суперфосфатнинг гранулалари шикастланиб уваланиб кетади. Буни олдини олиш учун уни заводдан чиқарилган идишда ва албатта қуруқ жойда сақлаш керак.