3-ma’ruza. CorelDraw dasturiy paketi. Reja: CorelDraw dasturiy paketi haqida umumiy ma’lumotlar. CorelDraw dasturining ishchi muhiti

Holat qatori. Holat qatori illyustratsiyaning ajratilgan ob`ektlari to’g`risida ma`lumotlarni aks ettiradi. CorelDraw interfeysining boshqa elementlari kabi uning konfiguratsiyasini ham o’zgartirish mumkin. Foydalanuvchi o’zi holat qatorida qanday ma`lumotlar berilishini aniqlashi mumkin. Masalan:

• 
  Tanlangan uskuna to’g`risida qisqa ma`lumot;
  
• 
  Sichqoncha ko’rsatgichi koordinatalari;
  
• 
  Tanlangan ob`ekt haqida ma`lumot;
  
• 
  Transformatsiyalash jarayonida ob`ektning geometrik o’lchamlari o’zgarishi va uning koordinatalari;
  
• 
  Tanlangan ob`ektning to’ldirish ranglari haqida ma`lumot;
  
• 
  Tanlangan ob`ektning atroflama chiziqlarining qalinligi va rangi haqidagi ma`lumot.
  

Dokerlar CorelDraw dasturining yaratuvchilari tomonidan dasturning 8 – versiyasidan boshlab kiritilgan. Dokerlar CorelDraw dasturida «suzib» yuruvchi palitralarni o’rnini bosuvchi vosita sifatida yaratilgan va ulardan foydalanish qulay. Dokerlar ro’yxatini menyular qatoridagi «Window» menyusi buyrug`ini tanlash bilan ochish mumkin. Doker «suzib» yuruvchi palitralarga ko’ra sal ko’proq joy egallasada, hujjat oynasini berkitmaydi.
Dokerlar o’zining panelidagi yuqori chap qismida joylashgan ikki burchak joylashgan tugmani bosish bilan yopiladi. Dokerlar afzalligini bir necha dokerni birdaniga ochish yo’li bilan kuzatishimiz mumkin. Har safar yangi doker ochilganida u to’laligicha namoyon bo’lib, avvalgi doker o’rnini egallaydi va uning yorlig`i o’ng tomonda hosil bo’ladi.
Dokerlardan foydalanish «suzib» yuruvchi palitralarni yo’q qilish degan ma`noni anglatmaydi va dokerlar yorlig`ini sichqoncha yordamida ishchi oynaga olib o’tish orqali oynada bir nechta «suzib» yuruvchi palitralarni hosil qilishimiz va ulardan foydalanishimiz mumkin.