3 – ma’ruza mavzu: qizil suvo’ttoifalar bo’limi – rhodophyta

Bangiyasimonlar ajdodi - Bangiophyceae 

 Hujayrasidagi  xromotoforalari  yulduzsimon  bo’lib,  odatda  bitta  pirenoidga  ega. 

Hujayralari  plazmolema  bilan  o’zaro  bog’lanmagan,  chunki  hujayralar  orasida  poralar 

bo’lmaydi. Karpogonda trixogina yuq. Karpogon urug’langandan keyin bo’linib,  karposporalar 

hosil qiladi. Jinssiz ko’payishi monosporalar vositasida bo’ladi. 

Bu  ajdodning  vakili  sifatida  porfira  (Porphyra)  bilan  tanishamiz.  U  bizda,  Shimoliy  va 

Janubiy dengiz qirg’oqlarida o’sadi. Tallomi bargsimon,  to’q qizil rangda,  substratga birikkan,  

uzunligi 50 sm. Ba’zi turlari masalan,  Rnereocystis ning uzunligi 2 m ga yetadi. Uning tallomi 

bir yoki ikki qavat h ujayralardan tashkil topgan bo’lib,  bitta yulduzsimon xromotoforaga ega. 

Anteridiy hujayralari bir necha marta ko’ndalangiga bo’linib,  mayda hujayralar hosil qiladi. Ana 

shu h ujayralardan bittadan spermasiy yetiladi. 

Karpogon vegetativ hujayralardan kamdan kam farq qiladi. Trixogin bo’lmaydi. Karpogon 

urug’langandan keyin zigotaga aylanadi. 

Zigota  bo’linib,  2-32  karpospora  hosil  qiladi.  Zigota  bo’kilgandan  so’ng,  uni  devori 

yoriladi va yalang’och karposporalar suvga chiqadi. Bir necha kun o’tgandan keyin, po’st bilan 

o’ralib, mallyuska va toshlarni ustiga yopishib o’sadi va ipsimon tallomga aylanadi. Parfiraning 

bu  taraqqiyoti  sikli  uzoq  vaqtgacha  mustaqil  suvo’ti-shantranziya  (Conchocelis  rosea)  deb 

noto’g’ri  nom  berilgan.  Ko’payishi  monosporalar  vositasi  bilan  bo’ladi.  Sporaning  o’sishidan 

porfirani bargsimon tallomi rivojlanadi. 

1964-1967  yillarda  Ye.  Man  degan  olimning  kuzatishlariga  binoan  porfirani  zigotasi 

reduksion  (meyoz)  bo’linmasligini  aniqlagan.  Karposporasi  diploid  fazada  saqlanib,  uning 

---

o’sishidan  diploidli  porfira  o’sib  chiqadi.  Porfirani  ko’pchilik  turlari  sun’iy  ravishda  o’stirilib, 

ovqat sifatida iste’mol qilinadi. 

Kompsopogon (Compsopogon)turlari tropikaning chuchuk suvlarida keng tarqalgan bo’lib,  

oxirgi  yillarda  MDX  ning  issiq  xonalaridagi  akvariumlarda  o’stiriladi.  Uni  tallomi  geterotrixal 

shaklda bo’lib,  substratga yopishgan ipidan shoh langan monopodial iplar rivojlanadi. 

Tikka  o’suvchi  yosh  ipchalar  bir  qator  ko’ndalang  hujayralardan  tashkil  topgan. 

Tallomning qari hujayralari bo’laklarga bo’linib,  markaziy hujayradan ajraladi. Keyinchalik ular 

bo’linib,  markaziy  hujayrani  o’rab  oladi.  Korposporaning  hujayrasida  juda  ko’p  miqdorda 

fikosian pigmenti bo’ladi, shu sababli uni rangi ko’k bo’ladi. Hujayrada bitta yirik yadro bo’ladi. 

Ko’payishi  monosporalar  vositasida  sodir  bo’ladi.  Monospora  yetilgandan  so’ng,  sporangiy 

devori  shiliqlanib  yirtiladi  va  monosporalar  suvga  tushadi,  po’st  bilan  o’ralib,  o’sib  tallomga 

aylanadi.