27- расм. Занжирли тракторларнинг буриш механизмлари

Гусениса занжири. Гусениса занжири таянч катоклари ғилдираши учун йўлчалар хосил қилиш , тупроқ билан илашиш ва трактор оғирлигини таянч юзаси бўйлаб тақсимлаш вазифасини ўтайди. Гусениса занжирига қуйидаги талаблар қўйилади:
1. Оғирлиги юқори бўлмаган холда мустахкам ва ишқаланишга чидамли бўлиши;
2. Содда ва тайёрланиши кам харж бўлиши;
3. Тупроққа бўлган солиштирма босими кам, лекин тупроқ билан илашиши юқори бўлиши;
4. Тўғри чизиқли харакат ва бурилиш пайтида харакатга қаршилиги кам бўлиши;
5. Гусениса занжирини бузиш, йиғиш ва тракторга ўрнатилиши осон, звеноларни йиғишда бармоқларни қуйиш, чиқариш учун мураккаб асбоб-ускуна ва кўп вақтни керак бўлмаслиги;
Конструктив томонидан гусениса звеноси йиғма ёки яхлит хилларга бўлинади.
Йиғма холдаги гусениса звеноси бир неча деталларни йиғиндисидан хосил бўлиб, одатда, штамповка усулида тайёрланиб, баъзи деталларга механик ишлов берилади. (55-расм).



55- Расм. Йиғма гусениса звеноси.
1-втулка, 2-бармоқ, 3,6-звенолар, 4,5,10 болтлар, 7-туташ бармоқ, 8-конуссимон чеклагич, 9-қопқоқ.
Бундай гусениса звеносининг оғирлиги юқори, тузилиши мураккаб ва тайёрланиши кўп харжли бўлгани учун хам қишлоқ хўжалик тракторларида қўлланилмаган.Қишлоқ хужалик тракторларида асосан яхлит хилдаги гусениса звеноси қўлланилиб келинмоқда. Чунки, уларнинг тузилиши содда, тайёрланиши осон ва оғирлиги камроқ. Лекин унинг ишлаш муддати йиғма гусениса звеносиникига қараганда икки марта кам. Аммо тайёрланишини осонлиги барча трактор саройини захира қисмлар билан бойитиш имконини берганлиги учун яхлит холдаги гусениса звеноси кенг қўлланилмоқда.
П ахтачиликда кенг қўлланилган Т-4А ва ДТ-75 тракторларини гусениса звенолари 56-расмда кўрсатилган. ДТ-75 тракторини гусениса звенолари 42 тадан иборат. Уларнинг хар бири яхлит қуйма холдаги плита 4 дан ташкил топган бўлиб, еттита проушинага ега (56-расм).
56-расм. ДТ-75 тракторининг гусениса звеноси. 1-таянч катокларини йўлчалари, 2-қирралар, 3-пружина, 4-плита, 5-бармоқ,
6- тишлар, 7- чеклагич.

Ўртадаги проушина 3 юлдузча тиши билан тишлашгани учун қалинроқ қилиб ясалган. Тракторни ишлаш, айниқса, бурилиш пайтида гусениса звеноси йўналтирувчи гилдирак, таянч катоги ва ушлаб турувчи ғилдиракдан чиқиб кетмаслиги учун унда йўналтирувчи қирралар 2 мавжуд.

Гусениса звеносининг мустахкамлигини таъминлаш, уни тупроқ билан илашиш ва ёнга силжиб кетишини олдини олиш мақсадида ташқи юзасида тишлар ясалган. Ички томонида еса таянч катоклари учун йўлчалар 1 мавжуд. Гусениса звенолари бир-бири билан юқори углеродли пўлатдан ясалган бармоқлар 5 ёрдамида шарнирли бириктирилган. Бармоқдарни тушиб қолмаслиги чеклагич 7 орқали амалга оширилади.
57-расмда Т- 4А тракторини гусениса звеноси кўрсатилган. Бу гусениса звенолари хам ДТ-75 тракториники сингари 42 тадан иборат бўлиб, еттита проушина, улардан ўртадагиси қалинроқ қилиб ясалган.