2021 Ўзбекистон маданияти ва санъати тарихи

Китобдор
Бухоро амирлигида амир кутубхонаси ва барча вилоятлар китобдорлари бошлиғи.
Ихрожот	Бухоро хонлиги (Шайбонийлар) даврида давлат муассасалари, қўшин ва хон хонадони харажатларини қоплаш учун тўланадиган солиқ.
Тўлғама –	душман қўшинларининг қанотини айланиб ўтиб, орқадан ҳужум қилиш жанг услуби. Ўрта асрларда мўғул ва туркийлар, хусусан Шайбонийхон бошлиқ кўчманчи ўзбеклар темурийлар билан бўлган жангларда шу ҳарбий тактикани қўллаб, қатор жангларда темурийларни саросимага туширганлар. Амир Темур армиясида бундай тактик амалиётни қўлловчи ҳарбий қисм қунбул (қутбул) деб аталган. Тўлғама атамаси “Бобурнома”да қайд этилган. Бобур ушбу тактик амалиётни шайбонийлардан ўрганиб, 1526 йилдаги Панипат жангида султон Иброҳим Лўдийга қарши қўллаб ғалаба қозонган.
Харвор	бир эшак кўтариши мумкин бўлган юк; тахминан 103-150 кг атрофида бўлган.
Шихна	Бухоро хонлигида миршабларнинг иккинчи бир номи.
Ажзчи	Амир Темур ва Темурийлар даврида ҳарбий сафарга отланган қўшинни машаққатли жойлардан олиб ўтиш мақсадида маҳаллий аҳоли ичидан танлаб олинган йўл кўрсатувчи
Фулус	майда мис чақа
Лавҳ	(араб. – тахта) – 1) ўрта аср мактабларида талабалар савод чиқариш учун ишлатган ёзув тахтаси; 2) ўқиш вақтида устига китоб, нота очиб қўйиладиган махсус курсича (таглик). Самарқанддаги Бибихоним масжидининг ҳовлисида, Тошкентдаги темурийлар тарихи давлат музейида мармардан ишланган катта лавҳ бор.