2 O„zbekiston respublikasi oliy va o„rta maxsus ta‟lim vazirligi

 
Qo„lda ekish uchun ko„chat tayyorlash 
Ko„chatlar maxsus dalalarda yetishtiriladi. Dala esa kuzda 25 sm 
chuqurlikda shudgor qilingan, yaxshilab tekislangan va gektariga 30-40 t 
chiritilgan go„ng solingan, yetarli darajada ammofos bilan o„g„itlangan soz 
tuproqli unumdor yer bo„lishi, suv sathini bir me‟yorda o„shlab turishga mos 
hamda kerak paytda oqizib yuborish uchun boshqa maydonlarga nisbatan 
balandroq joydan tanlanishi lozim.
Yer urug„ sepishga tayyor xolga keltirilgach gektariga 40-50 kg sof azot, 40-
50 kg fosfor va 50 kg kaliy berilib aralashtiriladi.

---

169 
O„zbekistonda ekishga tavsiya etilgan barcha yangi navlari ko„chat usulida 
ekishga yaroqli bo„lib, asosiy ekin sifatida ekish uchun kechpishar («UzROS 7-
13», «Lazurniy», «Mustaqillik»), o„rtapishar («Avangard», «Istiqbol», «Iskandar», 
«Istiqlol»), takroriy ekin sifatida ekish uchun o„rtapishar va ertapishar («Nukus-
2», «Gulzor», «Jayxun», mahalliy «Arpa sholi») sholi navlarini ekish mumkin.
Sholini asosiy ekin sifatida ekish uchun aprel oyining birinchi o„n kunligida, 
takroriy ekin sifatida esa may oyining ikkinchi yarmida ko„chat tayyorlashga 
kirishiladi. Bunda 1 gektar maydonga 20-22 mln. dona urug„ yoki 650-700 kg 
urug„ 1-2 kun suvda ivitilib sepiladi. Bu maydondagi ko„chatlar 10 gektar asosiy 
maydonga ko„chirilib o„tkazish uchun yetarlidir.
Ko„chat yoshi, ya‟ni ko„chirib asosiy dalaga o„tkaziladigan sholi 
maysalarining ko„chatzorda turish davri ertapishar navlarda 25-30 kun, o„rtapishar 
navlarida 30 kungacha, kechpishar navlarda esa 35 kungacha bo„lishi maksadga 
muvofiqdir. Ko„chatlarni ko„chirib olinishidan 4-5 kun oldin gektariga 50 kg sof 
xolda azot bilan oziqlantirilsa, ular baquvvat bo„lib yangi yerga tezroq o„rganib 
ketadi.