1-mavzu: Zamonaviy pedagogik texnologiyalar va ularni ta’lim-tarbiya jarayoniga tatbiq etish

Metodik – metodikaga tegishli, qat’iy ketma-ketlikka, tizimga, ilga-ridan o‘rnatilgan rejaga aniq rioya qilish.

Metodika – biror ishni maqsadga muvofiq o‘tkazish metodlari, yo‘llari majmuasi.

Metodologiya – bilishning ilmiy metodi haqidagi ta’limot. Biror fanda qo‘llanadigan metodlar majmuasi.

Modul – zamonaviy pedagogik texnologiyalarni tashkil qiluvchi tarkibiy bo‘laklarni ifodalovchi tushuncha. Bu tarkibiy bo‘laklar, ya’ni modullar eng kichik bo‘laklardan hamda ularning turli miqdordagi to‘p-lamlaridan iborat bo‘ladi. Bunda eng kichik tarkibiy bo‘lakni eng kichik modul, boshqalarini esa o‘z ichiga qancha shunday modulni olishiga qarab, tegishli darajadagi modullar deyiladi.

Modul darajasi – zamonaviy pedagogik texnologiyalarni tasvirlash ko‘lamiga muvofiq ravishda tanlangan birlamchi modullarning o‘z tarkibida aslida qancha modullarga ega ekanligi ko‘rsatkichi.

Modul to‘plami – zamonaviy pedagogik texnologiyalarni uning biror darajasidan boshlab tasvirlash maqsadi asosida bitta modul sifatida hisoblangan bir nechta modullar yig‘indisi.

Modullashtirish – zamonaviy pedagogik texnologiya materiallarini modullarga ajratish jarayoni.