1-mavzu: biologiya fanining maqsadi va vazifalari

O’zgaruvchanlik va uning xillari. Mutasion o’zgaruvchanlik
O’zgaruvchanlik va uning xillari. Organizmlarning belgi va xususiyatlari bilan o’zaro farq qilish 
xossasi  o’zgaruvchanlik  deb  ataladi.  O’zgaruvchanlik  tufayli  organik  olamda  xilma-xillik  namoyon 
bo’ladi.  O’zgaruvchanlik  va  irsiyat  organizmlar  evolyutsiyasini  ta’min  etuvchi  omillar  jumlasiga  kiradi. 
Zero, irsiy o’zgaruvchanlik tabiiy va sun’iy tanlash uchun manba bo’lib xizmat qiladi.
Organizmlardagi o’zgaruvchanlikni ularning  tabiatiga qarab quyidagi xillarga bo’lish mumkin:
1.Kombinativ o’zgaruvchanlik, ota-ona organizmlarini chatishtirishdan olingan duragay avlodlarida 
xromosomalar, genlarning har xil variantda qayta taqsimlanib irsiylanishi oqibatida namoyon bo’ladi.
2.Rekombinogenez  o’zgaruvchanlik  –  gomologik  xromosomalarning  meyoz  bo’linishi  vaqtida 
sodir bo’luvchi krossingover jarayoni tufayli birikkan genlarning o’zaro ajralib irsiylanishi natijasidir.
3.Mutasion  o’zgaruvchanlik  irsiyatning  moddiy  asoslari  bo’lgan  genlar,  xromosomalarning 
o’zgarishi  oqibatida  paydo  bo’ladi.  Mutagenez  natijasida  yangi  va  irsiylanuvchi  o’zgaruvchanlik  yuzaga 
keladi.
4.Modifikatsion o’zgaruvchanlik – tashqi muhit omillari ta’sirida organizmlar genotipi o’zgarmay 
fenotipining o’zgarishi bilan bog’liq.