1. Машқда қийналсанг жангда осон бўлади. Илм олиш ҳар бир муслим ва муслима учун фарздир. (Ҳадис)

Моляль (С_m – моль/1000г) концентрация – эритувчининг маълум массасидаги эриган модда миқдори. 1 кг ёки 1000 г эритувчида эриган модда моллар сони моляль концентрация дейилади.
Моляр улуш (N ёки C_N, %) – эриган модда миқдори(мол сони)ни эритманинг умумий миқдори(мол сони)га нисбати билан ифодаланувчи сон. Қуйидаги формула билан ҳисобланади:

Эритмаларда бўладиган иссиқлик ҳодисалари

Эритма ҳосил бўлишида одатда физикавий ва кимёвий ҳодисалар рўй беради ва бу доимий бўлиб туради. Эритмаларда бўладиган эриш, диффузия ва кристалланиш жараёнлари физикавий ҳодисалар бўлиб, эриган модда молекулаларининг гидратланиши, гидролиз ва нейтралланиш жараёнлари кимёвий ҳодисалар. Шундай қилиб, физикавий жараёнлар, яъни эриган модданинг эриши(Q₁) билан диффузияланиши(Q₂) учун энергия сарфланади. Эриган модда молекулалари сув молекулалари билан гидратлар(Q₃) ҳосил қилганда энергия ажралади.
Q₁ + Q₂ = Q₃ – эритманинг ҳарорати ўзгармайди
Q₁ + Q₂ > Q₃ – эритма совийди
Q₁ + Q₂ < Q₃ – эритма қизийди
Дисперс ситемалар – бир моддада иккинчи модда заррачаларининг тарқалиши. Модданинг кичик бўлакларга майдаланиши дисперсланиш дейилади. Dispersus – сочилган, майдаланган деган маънони беради. Ҳар қандай дисперс система икки қисмдан, дисперс мухит ва унда тарқалган модда – дисперс фазадан иборат бўлади. Дисперс системалар дисперс мухит ва дисперс фазанинг агрегат ҳолати, заррачаларининг ўлчами билан фарқ қилади.
1) Дағал дисперс системалар – дисперс фаза заррачалари ўлчами 100 нмдан катта бўлган системалар. Дағал дисперс системаларга шаффофлик, тиниқлик хос эмас. Улар жуда беқарор бўлиб, тез бузилади ва агрегат ҳолатига қараб 3 хил бўлади:
а) Суспензия – суюқ дисперс мухитда қаттиқ дисперс фаза зарраларининг тарқалиши. Масалан: лойқа сув, оҳакли сув, пасталар ва ҳ.к.
б) Эмульсия – суюқ дисперс мухитда суюқ дисперс фаза зарраларининг тарқалиши. Масалан: мой – сув аралашмаси, бензин – сув аралашмаси, сут, нефт, майонез, суюқ бўёқлар ва ҳ.к.
в) Аэрозол – газ дисперс мухитда қаттиқ ёки суюқ дисперс фаза зарраларининг тарқалиши. Масалан: туман, чанг, тутун, ун, кофе, какао, булут, дезодорантлар ва ҳ.к.